Басты бет Жаңалықтар Мерейлі отбасы — 2023
29.05.2023

Мерейлі отбасы — 2023

Жетісу облысында отбасылық құндылықтарды жаңғыртуға байланысты «Мерейлі отбасы» байқауы өтеді.
Конкурсқа әкімдіктердің аудандық (қалалық) комиссияларға 15 мамыр мен 15 маусым аралықтарында қатысуға өтінім арқылы, өзін-өзі ұсыну жолымен, сондай-ақ жергілікті атқарушы органдардың, Қазақстан Республикасының заңнамасында белгіленген тәртіппен тіркелген заңды тұлғалардың ұсынуы бойынша отбасылар (үміткерлер) қатысады. Конкурсқа қатысуға мүшелерінің еңбектегі, спорттағы, шығармашылық, зияткерлік, ғылыми жетістіктері жоғары, сондай-ақ қоғамдық пайдалы қызметке белсенді қатысқан (волонтерлік,қайырымдылық,меценаттық,тәлімгерлік) отбасылар жіберіледі. Қызметі Қазақстан Республикасының аумағында тыйым салынған ұйымдардың құрамына кіретін мүшелері бар, бұрын сотталған мүшелері бар отбасылар конкурсқа қатыса алмайды.
Конкурс екі кезеңде жүргізіледі. Бірінші кезең – аудандық (қалалық), екінші – облыстық деңгейде. Конкурсқа қатысуға өтінім қағаз және электрондық нұсқада аудандық (қалалық) комиссияға келесі құжаттар тапсырылады:
1) Ата-аналардың (қорғаншылардың, қамқоршылардың) жеке басын куәландыратын құжаттардың көшірмелері, балалардың туу туралы куәліктерінің көшірмелері;
2) Асырап алушы (қорғаншы) отбасылар үшін – жергілікті уәкілетті органның кәмелетке толмаған балаға қорғаншылықты (қамқоршылықты) белгілеу туралы шешімінен үзнді көшірме;
3) Неке қию туралы куәліктің көшірмесі;
4) Ата-аналарының біреуі қайтыс болған жағдайда, қайтыс болу туралы куәліктің көшірмесі (болған жағдайда)
5) Балаларды тәрбиелегені үшін алған көтермелеулердің, белгілі бір жетістіктері үшін алған көтермелеулердің бар екенін куәландыратын құжаттардың көшірмелері;
6) Заңды және жеке тұлғалардың ұсыным хаттары (кемінде екі);
7) Отбасы мүшелерінің еңбектегі,спорттағы,шығармашылық, зияткерлік,ғылыми жоғары жетістіктерін куәландыратын құжаттардың көшірмелері;
8) Дербес деректерді жинауға және өңдеуге келісім.
Құжаттарды көрсетілген мерзімнен кейін ұсынған үміткерлер конкурсқа қатысуға жіберілмейді. Аудандық (қалалық) комиссияға ұсынылған құжаттар қайтарылмайды. Барлық мәліметті аудандық ішкі саясат, мәдениет, тілдерді дамыту және спорт бөлімінен алуға болады.

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

Оқи отырыңыз

Алматы облысының «109» бірыңғай байланыс орталығына 3 мыңнан аса өтініш түскен

  Алмагуль Булатовна айтуынша, орталыққа тұрғын үй-коммуналдық шаруашылық және қаланы…