Басты бет Жаңалықтар Болашағымыз жарқын, мақсатымыз айқын
26.05.2023

Болашағымыз жарқын, мақсатымыз айқын

Қазақстан Республикасының президенті Қасым Жомарт Кемелұлы Тоқаев жолдауының мән-маңызы айрықша. Жолдаудың арқалайтын жүгі бір жылмен шектелмейді, ауқымы кең, мазмұны да  бөлек. «Әділетті мемлекет. Біртұтас ұлт. Берекелі қоғам» атты Жолдауында ел дамуының нақты секторларын анықтап, қоғамның барлық әлеуметтік экономикалық салаларын қамтыды. Реформалардың бес нақты бағдары «халық үніне құлақ асатын Мемлекет» қағидасын өзек етеді. Өзекті мәселелерінің бірі болып табылатын денсаулық, білім, әлеуметтік салалары жолдауда жан-жақты талқыланып, нақты шешу жолдары көрсетіліп отыр. Бұл қадамдарды тиімді реформалау Жаңа Қазақстанды табысты құрудың кепілі. Мемлекет басшысы өз жолдауында әділетті Қазақстан құрудың жаңа міндеттеріне тоқталып, халықты ұлт мүддесі үшін ұйысуға шақырды. Жолдауда айтылған жас буынның өмір сүру сапасы, білім алу үшін жеңілдетілген несие беру, синтетикалық есірткімен күрес және отбасылық тұрмыстық әлімжеттілік жасайтындарға жазаны күшейту мәселелерін де назардан тыс қалдырмады. Жоба аясында 32 аудандық аурухана заман талабына сай жаңаратынын да айта отырып, инсульттен емдеу орталықтары, хирургия, жансақтау және оңалту бөлімдерінің ашылуы төрт миллионнан астам адамға көрсетілетін медициналық көмектің сапасын арттырады делінген. Бұл халық үшін жасалатын аса маңызды іс болмақ.

Бір сөзбен айтқанда, жолдауда айтылған реформалар еліміздің табысты болашағын айқындайтын нақты іс-әрекет жасаудың айқын нұсқаулығы болды. Жаңа президенттік жүйе саяси тұрақтылықты нығайтып, қоғамдық құрылыстың қазақстандық үлгісін орнықтырады. Президентіміз биік мақсаттар қойып, халықпен бірге Жаңа Қазақстанды құруға кірісті. Осы бүгінгі бастамалар Қазақстанның болашағын айқындайды. Елімізді саяси жаңғырту үдерісінде парламентаризмді дамыту ісі айрықша орын алады. Ең басты жетістігіміз–біртұтас ел болып, жаңа мемлекет құрдық. Іргемізді бекітіп, еңсемізді тіктедік. Халықаралық қауымдастықтың белді мүшесіне айналдық.

Әрбір білім алушы білім алып, жана-жақты дамуы үшін қолайлы жағдай жасалыну тиіс дей келе, «Жайлы мектеп» ұлттық жобасын қолға алуды, сөйтіп 2025 жылға дейін 800 000 мың заманауи мектеп оқуына жағдай жасау ұсынылды. Қала мен ауыл мектептерінің айырмашылықтарын азайтып, апатты және 3 ауысым мектеп мәселесінің толық шешілуі туралы айтты. Бұл қарапайым ауыл мектептері үшін үлкен жаңалық деп түсінемін. Ешбір ауыл баласы қала баласынан кем емес дәрежеде білім алуы, мектептің материалдық техникалық базасын дамыту, әлеуметтік тұрғыдан әлсіз саналатын топтағы балаларға бюджет есебінен қаржыланатын мектеп формасын беру өте тиімді шешім деп ойлаймын. Сол сияқты, ұстаздар қауымының абырой беделін арттыру үшін жасалынатын жұмыстардың жалғасын табуы қуантарлық жағдай. Ұстаздардың құзірет аясының айқындалуы өз қажетіндегі дұрыс мәселенің бірі. Ата-анамен білім алушылардың жауапкершілікті сезіне білуі әрине әріптестік қарым-қатынас орната отырып, жеке білім беру ваучерлерін енгізуді жоспарлау маңызды, әрі құптарлық мәселе. Сол сияқты, қазақ және орыс тілін жақсы меңгерген білім алушы тәрбиелесек, болашақта өз көзқарасын анық білдіре алатын, болашаққа сеніммен қарай алатын ұрпақ тәрбиеленетініміз анық.

Сөзімді қорытындылай келе, Жолдауда көтерілген игілікті істер оң шешімін тауып, халқымыздың береке-бірлігі арта берсін! Бір жағадан бас, бір жеңнен қол шығарып, береке-бірлікті, өзара ынтымақтастықты сақтау аса маңызды. Әділетті Қазақстан құру жолында бірлесе еңбек етейік! Болашағымыз жарқын, мақсатымыз айқын,  еліміз аман болсын!

Қарашоқы орта мектебінің директоры,

математика пәнінінң мұғалімі Букабаева Кульшар Сейдуловна

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

Оқи отырыңыз

Әдеп — мінсіз қызмет кепілі

  Мемлекеттің мүддесі үшін еңбек ететіндерге қойылар талап қашанда жоғары. Өйткені, о…