Жас кәсіпкерлермен өткен кездесу

Таяуда ауданның жастар ресурстық орталығы және аудандық кәсіпкерлер палатасының ұйымдастыруымен жас кәсіпкерлермен  кездесу өтті.
Жас кәсіпкерлермен кездесу жобаның екінші бағыты — «Кәсіпкерлік ортаны дамыту» тақырыбы бойынша өтті. Кездесуде ауданның  кәсіпкерлік бөлімінің басшысы Болат Тастанбеков сөз алып, бизнес жайлы жастарға егжей-тегжейлі түсіндірді.
— Қазіргі таңда «Бизнестің жол картасы — 2020» бағдарламасы бойынша шағын және орта бизнесті дамытуға арналған мүмкіндіктер көп. Мәселен, «Мемлекеттік грант» бағдарламасы. Кәсіп ашқысы келетіндер 3 миллион теңге көлемінде қаражат алуына болады. Сондай-ақ, мүмкіндігі шектеулі жандарға арналған «Даму көмек» бағдарламасы жүзеге асырылуда, — деді өз сөзінде Болат  Тастанбеков.
Аталмыш кездесуге жас кәсіпкерлер, белсенді жастар және ауылдық округтердің жастар ісі жөніндегі нұсқаушылары қатысты.
Кездесу барысында қатысушыларға Қазақстанның Дүниежүзілік экономикалық форумның ғаламдық бәсекеге қабілеттілік индексі рейтингіндегі «Бизнесті ашу» және «Зияткерлік құқықтарын қорғау» индикаторларын жақсартудағы әділет органдарының қызметі туралы айтылды. Сонымен қатар, заңды тұлғаларды және зияткерлік меншік құқықтарын тіркеу мәселелері бойынша кеңестер берілді.
Соңында қатысушыларға қажетті ақпараттармен қамтылған, сондай-ақ, мекенжайлар мен Call-орталық нөмірлері жазылған әділет органдармен бекітілген Дүниежүзілік экономикалық форумының ғаламдық бәсекеге қабілеттілік индикаторы бойынша жадынамалар таратылды.
Руслан БАЙЖАН,
аудандық жастар
ресурстық орталығының кеңесшісі.