Сот кабинетінің маңыздылығы түсіндірілді
Семинарға ауданның құқықтық органдарының өкілдері қатысты.Семинардың мақсаты — әкімшілік істерді электронды нұсқада жіберу мәселесін шешу.
2014 жылдан бастап Жоғарғы Соттың интернет ресурсында қосылған «Сот кабинеті» ақпараттық жүйесі — халық үшін соттың қол жетімділігі мен ашықтығын қамтамасыз ететін тиімді жүйе.
Әлемдік дағдарыс кезінде Елбасы тапсырғандай қаржыны үнемдеу мақсатында барлық іс-шаралар атқарылуы тиіс. Оның да өзіндік тиімділігі мол. Біріншіден, бюджет қаржысын үнемдеу, екіншіден қағаз бастылықтан арылу, үшіншіден уақытты үнемдеу.
«Сот кабинетінде» «Әкімшілік істі жіберу» сервисі іске қосылды, соған байланысты сотқа осы сервис арқылы әкімшілік материалдарды қағаз нұсқасыз тек қана «Сот кабинетінің» көмегімен электронды түрде жіберу барлық уәкілетті мемлекеттік органдар міндетті. «Сот кабинетіне» кіру үшін Қазақстан Республикасы Ұлттық куәландырушы орталығынан электрондық цифрлық қолтаңба алу қажет.
2014 жылғы 28 қарашадағы №533 өкімімен бекітілген «Сот кабинеті» электронды ақпараттық сервисі арқылы сотқа электронды құжаттар беру тәртібі туралы нұсқаулықты басшылыққа ала отырып, біріншіден электронды құжаттарды беру шарты: Заңды тұлғалардың өкілдері сотқа электронды құжаттарды «Сот кабинеті» сервисінде орналастырылған электронды нысандарды толтыру арқылы беруге құқылы. Ол үшін жоғарыда айтылғандай «Сот кабинеті» сервисінде тіркелу қажет.
«Сот кабинеті» сервисінде тіркелген тұлға электронды құжаттарды беру жүйесін пайдаланушы болып табылады.
«Сот кабинеті» сервисінде авторлану ЖСН немесе БСН және пароль арқылы жүзеге асырылады. Құжаттарды заңды тұлғаның өкілі берген кезде авторлану БСН арқылы жүргізіледі.
«Сот кабинеті» сервисінде авторлану рәсімінен өткеннен кейін электронды құжаттарды беру сервисін пайдаланушылар сотқа арыздармен, құжаттармен жүгіне алады.
Берілетін құжаттарға қойылатын талаптар:
Сотқа берілетін құжаттар мәтіндік пішінде жүгіндіріледі (қаріп 14 Times New Roman, бір жарым интервал).
Әрбір құжат электрондық құжаттарды беру жүйесіне жеке файл түрінде жүгіндірілуге тиіс. Файлдар саны сотқа берілетін құжаттар санына сәйкес болуға тиіс.
Пайдаланушы жүгіндіретін файл пішіні *doc, *docx, *pdf, *jpeg сәйкес болуға тиіс. Әрбір файлдың ең үлкен көлемі 10 МВ-дан аспауы керек.
Пайдаланушы электрондық құжаттарды беру жүйесіне тиісті арызды және оған қоса тіркелетін құжаттарды қамтитын файлдарды жүгіндіреді. Файлдарды жүгіндіру аяқталғаннан кейін пайдаланушы оларды түзету мүмкіндігін пайдалана отырып, енгізілген деректердің дұрыстығын тексеруді жүзеге асырады.
Арыз пайдаланушының электрондық цифрлық қолтаңбасымен куәландырылғаннан кейін Қазақстан Республикасы сот органдарының ақпараттық жүйесіне беріледі.
С.МЕДЕТБЕКОВА,
аудандық сотының
аға сот приставы.
