Ел бірлігі — татулықта

Мемлекет басшысы Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына Жолдауын жолдады. Президенттің Қазақстан халқына  арнаған кезекті Жолдауы ертеңге деген сенімді тарихи құжат болды. Бұған дейін Қазақстан Президентінің Жолдауы жылына бір рет жарияланса, биыл Президенттің жолдауы екінші мәрте жарияланды. Себебі, әлемде болып жатқан ахуалдың салқыны біздің елді айналып өтпесі анық. Бұл Жолдау осындай қатерлерге қарсы тұру шараларын айтуымен дараланды десек болады.

Президенттің осы жолғы Жолдауы елдің көңілінен шықты. Мемлекет басшысының өкілетті мерзімін жеті жылға ұзарта отырып, сайлану мерзімін бір мерзіммен шектеу бастамасы да билікті монополиялау үрдісін ретке келтіру мүмкіндігін тарих сахнасына шығарды. Президент Жолдауы қоғамды біріктіріп, азаматтарды адал еңбек етуге, ел экономикасының дамуына өз үлестерін қосуға жігер берді.

Жаңа Қазақстанның тынысын тарылтпай, қанатын бекітіп, іргесін кеңейтуге, алға ілгерлетуге күш жұмсауға  мемлекетіміздің әрбір азаматтары атсалысуға тиісті.Терең  білім,тағылымды тәрбиемен қатар,әрбір  жасқа лайықты жағдай жасайтын мемлекет  қана өткенінің өрнегін айшықтап,келешектегі күнін кемелді ете  алады. Өйткені жастар – қоғамның  қозғаушы күші,мемлекеттің ең  ұлы  капиталы. Жаңа Қазақстан дегеніміз – шын мәнінде Әділетті Қазақстан. Жаңа Қазақстанның жаңа  даңғылы,өрлеуі мен өркендеуінің өзегі.