Басты бет Жаңалықтар Жаңа Қазақстан! Жаңа лек!
28.04.2023

Жаңа Қазақстан! Жаңа лек!

       Мемлекет басшысы Қасым-Жомарт  Тоқаевтың «Әділетті мемлекет. Біртұтас ұлт. Берекелі қоғам» атты жолдауы Қазақстан халқына жаңа өзгерістерге орасан зор мүмкіндік  бергендей. Жолдауда көтерілген үшінші бағдар – ел болашағына арналған стратегиялық инвестиция. Бұл бағдарда еліміздің басты құндылығы -халық, яғни адам екенін нақты атап өтті. Қазақта «Ел болам десең , бесігіңді түзе» деген сөз бар. Бұл ретте мектепке дейінгі оқу,тәрбие балабақша мәселелері, орта мектептегі  білім,жоғарғы білім салалары негізінде көптеген қордаланған мәселелер өз шешімін тапқандай.

Бағдар негізінде қаралған тағы бір мәселе – жастарға жан-жақты қолдау көрсету.Еңбекпен қамтитын түрлі реформалар арқылы   жастарды жұмыспен қамтамасыз ету,кәсіпкерлік көмек ретінде 2,5 пайыздық несие беру.Сайып келгенде бұл жолдаудың негізгі мақсаттарының бірі-түрлі салаларда жастардың бастамаларына қол ұшын созу, оларды жан-жақты қолдау болып табылады. Ұшқыр ойлы ақын М.Жұмабаев атамыздың өзі :

Арыстандай айбатты,
Жолбарыстай қайратты –
Қырандай күштi қанатты.
Мен жастарға сенемiн- деп атап өткен.

Себебі, еліміздің болашағы –жастардың қолында екенін өз заманында- ақ атап өткен .

Жолдауда қаралған тағы бір мәселе – мемлекеттік басқару ісін қайта жаңғырту. 19 наурызда өткен сайлау нәтижелері әділ өтті.Парламент жүйесі қайта жасақталды. Бұл дегеніміз – халық үнін тыңдайтын мемлекет. «Келісіп пішкен тон келте болмас» дейді  дана  халқымыз. Басқару жүйесіндегі тың өзгерістер көз қуантады. Жалпы жолдауда көптеген қордаланған мәселелер көтерілген. Экономика саласынан бастап, адами фактор,басқару жүйесі, заң саласына дейін. Бұл жолдау қазақ  халқына жаңа дем бергендей. Оң өзгерістер орын алса әлемдік аренада Жаңа Қазақстан, Жаңа лек пайда болалары сөзсіз. Мен өз елімнің болашағы жарқын боларына сөзсіз сенемін. Жасасын, Жаңа Қазақстан!

 

Д. Самбетова Шанханай негізгі мектебінің директоры

 

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

Оқи отырыңыз

Алматы облысының «109» бірыңғай байланыс орталығына 3 мыңнан аса өтініш түскен

  Алмагуль Булатовна айтуынша, орталыққа тұрғын үй-коммуналдық шаруашылық және қаланы…