Балалар алаңы ашылды

Бірінші маусым балалар
мерекесінде Сарыөзек ауылының
тумасы, Алматы облысына
көшіп, жеке кәсібін дөңгелетіп
жүрген Қаныш Оспанғалиұлы
Ниетбаев Құрманғазы көшесінде
өз қаражатына әпкесі Айтжамал
Бимолдақызының аманаты
бойынша латын қаріпінде
жазылған «AITJAMAL» балалар
алаңын салып берді. Бұл іс-
шараға аудан әкімінің орынбасары
Болысбай Тоғысбайұлы,
аудандық ардагерлер кеңесінің
төрағасы Төленді Оспанайұлы,
Сарыөзек ауылының әкімі
Батырхан Ешметұлы мен ауыл
тұрғындары қатысты. Алғашқы сөз
тізгінін аудан әкімінің орынбасары
Болысбай Тоғысбайұлы алды.
-Құрметті ауылдастар,
жастар, бүлдіршіндер сіздерді
Бірінші маусым балалар күні
мерекесімен шын жүректен
құттықтаймын. Бала дегеніміз —
баршамыздың көз қуанышымыз, болашағымыз,
ұрпақ жалғастырушымыз. Сондықтан, әр үйде
балалардың қылығы мен күлкісі кетпесін.
Қаныш Ниетбаев, сізге, отбасыңызға амандық,
жұмысыңызға табыс тілейміз. Ауданымызда
сіздей азаматтар көп болсын,- деп ақ тілегін
жеткізді. Сарыөзек ауылының әкімі Батырхан
Ешметұлы сөз тізгінін алып:
— Бұл мереке рамазан айымен тұспа-тұс
келіп, күндердің сұлтаны жұма күніне келіпті.
Ауылымыздың балалары Қаныш ағаларына
алғыстары шексіз. Ауылымызда осындай
алаңдар, жастарға арналған орталықтар
көп болса, нұр үстіне нұр болар еді. Қаныш
Оспанғалиұлы сіз қаншама балалардың жүзіне
күлкі ұялаттыңыз. Сізге ауыл әкімі ретінде, ата-ана
ретінде өмірдегі бар жақсылықты тілеймін, — деді.
Аудандық ардагерлер кеңесінің төрағасы Төленді
Оспанбайұлы келген қонақтарға, балаларға ақ
батсын беріп, алаңның лентасын қиды. Лента қию
рәсімінен кейін жеті нанға бата оқылып, ауыл
балаларына балмұздақ таратылды.
Дидар ДИХАНБАЕВ