Жайдарлы  жаз

«Қуанса,  бала  қуансын»  деген жақсы  сөзді  алға мақсат ретінде  қойып,  мектеп  директоры  Ф.Жанысбекованың  ұйымдастыруымен  мектеп  жанындағы  «Балдырған»  жаздық демалыс лагерінің І  кезеңі жұмыс істеді. Мұғалімдер және ата-аналардың  демеушілігімен ыстық тамақпен  қамтамасыз  етілді. «Бала күлкіге тоймас» дегендей, балалардың көңілді демалуына алаң жетекшісі  К.Ербосынова және  А.Нұрбекова  өз үлестерін қосты. «Жайдарлы  жаз» тақырыбында  ашылу салтанаты өткізіліп, мектеп директоры Ф.Жанысбекова мен тәрбие ісі  жөніндегі  орынбасары Л.Сарыбаева  балаларға жылы лебіздерін білдірді. Балалар  мереке барысында өз өнерлерін көрсетті. Жаттаған өлеңдерін  айтып,  мың бұрала  биледі, қызықты ойындар ойнады.
Мерекелік  дастарханға тәрбие  ісі  жөніндегі  орынбасары Л.Сарыбаева  тәттілерін ұсынды. Балалардың  уақтылы  тамақтануына  аспазшы  Н.Амерханова  дәмді тағамдарын даярлап отырды. Тәрбиешілер  әр күнгі  жоспары  бойынша  іс-шаралар  ұйымдастырды. Атап айтар болсақ, табиғат аясына  саяхатқа шығу, кітапханаға саяхат, «Бала дауысы — 2017»  байқауы  өткізілді. Байқауға тәрбие  ісі  жөніндегі  орынбасары Л.Сарыбаева қатысып, ынталы оқушыларды  Мақтау қағазымен  марапаттады. «Жақсының  жақсылығын  айт нұры тасысын»  дегендей,  І кезеңге  демеуші болған ата-аналарға  алғысымызды  білдіреміз.
К.ЕРБОСЫНОВА,
А.НҰРБЕКОВА,
Сарыбастау  ОМКММ
І кезең  тәрбиешілері.