Кербұлақ ауданының Қызылжар ауылының құрылуына -55 жыл

Қызылжар  кеңшары  1963 жылдың наурыз  айында жерді  шаруашылықта тиімді пайдалану мақсатындағы  Қазақ  Советтік Социалистік Республикалар Одағы  (әрі қарай — КСРО) Министрлер кабинетінің 5 қаңтардағы  №11  бұйрығына сәйкес және  «Қызылжар» қой совхозы  Калинин  және Путь коммунизма  колхоздардың бірігуінің нәтижесінде құрылған. (16-қор, 1-тізімдеме).

1973 жылдың 25 желтоқсанында КСРО Жоғарғы Кеңесі Президиумының Жарлығымен Талдықорған облысында құрылған Кербұлақ ауданы қарамағына, болған Қызылжар селолық Кеңесіде (орталығы Қызылжар ауылы) енгізілген.

1988 жылдың 9 шілдесінде КСРО Жоғарғы Кеңесі Президиумының Жарлығымен Гвардия ауданы таратылып жер аумағы Кербұлақ ауданына қосылып, аудан Гвардия ауданы болып аталды. Оның қарамағына Қызылжар ауылдық Кеңесі енеді.

1997 жылы 22 сәуірде КСРО Жоғарғы Советі Президиумының Жарлығымен Кербұлақ ауданы Алматы облысының құрамына енгізіліп, 1997 жылдың 1 шілдесінен бастап Қызылжар ауылдық округі орталығы — Қызылжар ауылы болып келеді.

         Қызылжар   кеңшарының құрамына орталығы Қызылжар  ауылы және оның   бөлімшелері  Шилісу, Желдіқара, 15 км  кіреді.

Алғаш  кеңшар төрағалары  Қожахмет Бейісов, Омар Сарыбаев, Сәдібек Садуақасов, А.Аюбаев  болса,  жұмысшылар комитетінің председателі С.Джаксылықбаев, С.Жанбырбаев, партия комитетінің секретары Т.Карибаев  болғаны туралы мәліметтерді қор құжаттарынан табуға болады. (16-қор, 1-тізімдеме, 1-бума, 1-іс)

         1997 ж. Жекешелендіру туралы Заңына байланысты  Қызылжар  селолық округінде   5 шаруашылық нысандары  болса, ал 2004 жылы осы ұжымдардан бөлініп шыққан ауыл тұрғындары 41 жеке шаруа қожалығына  бөлініп, қазіргі таңда осы шаруа қожалықтар салық комитетіне тіркелініп, өз шаруашылықтарын дамытуда.

 «Алматы облысының мемлекеттік архиві» коммуналдық мемлекеттік мекемесінің  Кербұлақ филиалының  мемлекеттік сакталуында Қызылжар  совхозының  1965- 1988 жылдар аралығындағы  тұрақты құжаттары,1963-1996 жылдардағы жеке құрам бойынша  құжаттары, ал Қызылжар ауылдық округінің 1994-2010 жылдардағы тұрақты құжаттары  сақтауға өткізілген.

Осы Қызылжар  кеңшарының құжаттарына сүйенсек келесі мәліметтерді біле аламыз:

         -1967 ж. Қызылжар ауылына қарасты елді мекендерде 2 900 адамға, денсаулық саласы бойынша 2-медпункт, 1 -фельдшерлік пункт, мәдениет саласы бойынша  3- кітапхана, 1- қызыл отау, автоклуб,  7 — дүкен  қызмет көрсеткен. Совхозда 128- трактор, 60 -комбайн жұмыс істеп тұрған. (4-қор, 1-тізімдеме, 68-іс,5-бума, 4-парақ; 65-іс, 5-бума, 41-парақ);

-1978 ж. жұмысшылар саны 760, оның ішінде кәсіподақ  мүшесі 690 болса, 1986 жылы 682 адам кәсіподақ мүшесі болған. (16-қор, 92-іс, 12-бума, 26-парақ);

-1980 жылы  №1 фермада  1 578,  №2 фермада 2 511,  №3 фермада 1 598 қой болса, 1992 жылы ірі қара 1 213, жылқы 406, қой 10 086, ешкі 527, құс 1 670 болғанын құжаттар негізінде дәлелдеуге болады;

-1990 жылдары совхоздың әрбір саласындағы науқан жұмыстары, жұмысшылардың дұрыс жұмыс жасауларына жағдай жасау қарастырылып «Денсаулық», «Қамқорлық», «Азық түлік», «Тұрғын үй» бағдарламалары жасалынып сол бойынша жұмыс жасалған; (4-қор, 1-тізімдеме, 39-бума, 450-іс, 6-парақ).

         -1993 жылы  халық саны 2 707 -адам болса,1208- ірі қара, 9 599-қой, ешкі-355, жылқы -381 басқа жетсе, 1996 жылы халық саны-2 484, 1 183-ірі қара, 8 338-қой, 372-ешкі, жылқы 559- болған. (190-қор, 1-бума,18-іс, 1,2-парақ,);

         — 1993жылы  Қызылжар округінде  15 Ұлы Отан соғысы ардагерлері, 9  ауған соғысының ардагерлері, 19 ардақты аналар, 264 зейнеткер болғаны туралы мәлімет бар. Ауылдық округте 1 орта мектеп, 1 орталау мектеп, 1 бастауыш мектеп, 1 амбулатория, 2 ФАП, 1 мәдениет үйі халықтың игілігі үшін қызмет көрсеткен. 5 ауыл округіне қарасты шаруашылық нысандары болған;(4-қор, 1-тізімдеме, 41-бума, 471-іс, 1,2-парақтар)

2000 жылы Қызылжар  ауылдық округінде халық саны 2 031, ауыл округіне қарасты 34 шаруашылық нысандары, 370 зейнеткер, 5 Ұлы Отан соғысының ардагерлері болса, 2015 жылы халық саны — 1 840, 50- шаруа қожалығы, 185-зейнеткер, 46- көп балалы аналар болғандығы жөнінде (190-қор, 1-тіз, 55-іс, 2-бума, 2-парақ) (190-қор, 1-тіз, 55-іс, 2-бума, 2-парақ) және Қызылжар  ауылдық округінің т.б. құжаттармен таныса аласыздар.

2018 жылы Қызылжар  ауылының құрылғанына — 55 жыл толуына орай  ауыл тұрғындарын  шын жүректен құттықтаймыз!

«Алматы облысының мемлекеттік архиві»

коммуналдық мемлекеттік мекемесінің

Кербұлақ филиалының директоры

Г. Мамиева