«Мәдениет және ұлттық дәстүрлер күні» атты мәдени іс-шара өткізілді.

Кербулак ауданында, Сарыөзек ауылында орналасқан Ә.Сарыбаев атындағы мәдениет үйінде ауыл тұрғындарына арналған «Мәдениет және ұлттық дәстүрлер күні» атты мәдени іс-шара өткізілді.

Іс-шараның негізгі мақсаты – ұлттық мәдениетті, салт-дәстүрлер мен әдет-ғұрыптарды насихаттау, халықтың рухани құндылықтарын дәріптеу, сондай-ақ ауыл тұрғындарының ұлттық мұраға деген қызығушылығын арттыру болды.

Шара барысында қатысушыл  арға ұлттық тәрбиенің маңыздылығы туралы тағылымды ой айтылып:«Қазақ халқының салт-дәстүрі – ұлттың рухани байлығы, ата-бабадан қалған асыл мұра.Сол мұраны ұрпаққа жеткізуші – дана әжелеріміз. Ендеше, «Әжеелер аманаты» атты шағын көрінісімізді тамашалаңыздар!» – деп, көрермндер назарына ұлттық құндылықтарды дәріптейтін шағын көрініс ұсынылды.

Сонымен қатар ұлттық мәдениетті танытатын танымдық әңгімелер ұйымдастырылып, қатысушылар өзара пікір алмасып, ұлттық дәстүрлердің бүгінгі қоғамдағы орны мен маңыздылығы туралы ой бөлісті.

Іс-шара аясында ұлттық өнер мен мәдениетті дәріптейтін шағын мәдени бағдарлама ұсынылып, қатысушылар қазақтың ұлттық тағамдары, қолөнері және тұрмыс-салт ерекшеліктері жөнінде мәлімет алды. Бұл өз кезегінде ауыл тұрғындарының ұлттық мәдениетке деген қызығушылығын арттырып, рухани құндылықтарды насихаттауға оң ықпал етті.

Іс-шара соңында қатысушылар ұлттық мәдениет пен дәстүрлерді сақтау және оны жас ұрпаққа жеткізу – қоғамның маңызды міндеттерінің бірі екендігін атап өтті. Осындай іс-шаралар халықтың бірлігін нығайтып, ұлттық құндылықтарды кеңінен дәріптеуге үлкен мүмкіндік беретіні айтылды.