ЖАҢА КОНСТИТУЦИЯ ӘДІЛЕТТІ ҚОҒАМ ҚАЛЫПТАСТЫРАДЫ

«Әділетті және Прогрессивті Қазақстанның Халықтық Конституциясы үшін!» Жалпыұлттық коалициясының өкілдері ҚР Парламенті Сенатының депутаты Амангелді Есбай және өңірлік коалиция өкілдері Серік Мұқанов, Нұрбек Құдайберген, Асхат Бәзіловтер аудандық емханада ақхалаттылармен кездесті.
Кездесу барысында сөз алған коалиция өкілі Серік Мұқанов ұлттың болашағын қалыптастырып отырған ұстаздар қауымына Жаңа Конституция жобасы ең алдымен білім мен ғылымға арқа сүйейді. Бұл құжат – еліміздің ертеңін айқындайтын, жастарымыздың сапалы білім алуына кепіл болатын стратегиялық шешім екенін жеткізді.
– Ата Заңдағы өзгерістер азаматтардың шешім қабылдау үдерісіне қатысу мүмкіндігін кеңейтіп, халық үніне құлақ асатын мемлекет қағидатын нақтылай түседі. Негізгі басымдық – адам және оның құқықтары мен бостандықтары. Сондықтан жаңа редакциядағы Конституция әділетті қоғам қалыптастыруға, заң үстемдігін орнықтыруға және мемлекеттік институттардың ашықтығы мен есептілігін арттыруға бағытталуы тиіс. Бұл өзгерістер ел бірлігін күшейтіп, әлеуметтік тұрақтылық пен орнықты дамуға берік негіз қалайды, — деді спикер.
Ал, Нұрбек Құдайберген жаңа жобада әлеуметтік кепілдіктердің күшейтілуі, еңбек құқықтарының қорғалуы және әділетті қоғам құру қағидаттары айқын көрініс тапқанын атап өтті.
– Жаңа Конституция жобасы – мемлекеттің құқықтық және саяси жүйесін заман талабына сай жетілдіруге бағытталған ауқымды құжат. Ол билік тармақтарының өзара тепе-теңдігін нақтылауды, азаматтардың құқықтары мен бостандықтарын қорғау тетіктерін күшейтуді және мемлекеттік басқару құрылымын тиімді етуді көздейді. Конституциялық өзгерістердің басты мақсаты – «Күшті Президент – ықпалды Парламент – есеп беретін Үкімет» қағидатын институционалдық тұрғыдан бекіту, — деді Нұрбек Құдайберген.
Спикерлер жаңа Конституция елдің ұзақ мерзімді дамуына бағытталғанын және оның жүзеге асуы әр азаматтың белсенді ұстанымына байланысты екенін атап өтіп, 15 наурызда референдумға келіп, жаңа Конституцияға дауыс беруге шақырды.