️«AMANAT» ПАРТИЯСЫ ЖЕТІСУ ОБЛЫСТЫҚ ФИЛИАЛЫНЫҢ САЯСИ КЕҢЕСІ ОТЫРЫСЫ ӨТТІ

Жетісу облыстық «AMANAT» партиясы филиалында Саяси кеңестің отырысы ұйымдастырылды. Жиынға облыстық Саяси кеңес мүшелері, барлық деңгейдегі мәслихаттары және бастауыш партия ұйымдарының төрағалары кеңес жұмысына қатысты.

Отырыста күн тәртібінің негізгі мәселесі ретінде Қазақстан Республикасының жаңа Конституциясы жобасын талқыланды.
Қатысушылар елдің саяси жүйесін жаңғырту, мемлекеттік басқаруды тиімді ету, азаматтардың құқықтары мен бостандықтарын кеңейту бағытында ұсынылып отырған өзгерістердің маңыздылығына тоқталды.

Конституциялық реформаның қоғам дамуына, халықтың әл-ауқатын арттыруға және мемлекет тұрақтылығын нығайтуға бағытталғандығы кеңінен сөз болды.
Жетісу облыстық ардагерлер кеңесінің төрағасы Ермек Әбілмәжінұлына және Жетісу облысы бойынша «Қазақстан заңгерлер одағы» республикалық қоғамдық бірлестігі филиалының басшысы Нұрбек Мәлікұлы жаңа Конституция жобасына қатысты өз саласының ерекшелігіне сәйкес пікір білдіріп, сөз сөйледі. «AMANAT» партиясы Жетісу облыстық филиалының төрағасы Арыстанғали Арын сөзінде: Жаңа Конституциясының толықтай өзгерген преамбуласынан мемлекеттің идеологиялық негізін қайта форматталғанын байқауға болады. «Әділетті Қазақстан» идеясын «Заң мен тәртіп» қағидатын ұстана отырып, адам құқықтары мен бостандығына, ұлттық құндылықтарға, әлеуметтік әділдікке, мәдениет пен білімге, ғылым мен инновацияға, еңбекке басымдық берілген. Бұл – стратегиялық бағыт-бағдардың түбегейлі өзгергенін, басқарудан дамуға, ілгерлеуге, биіктеуге бағытталғанын аңғартады,-дейді ол.

Отырыс қорытындысында қатысушылар жаңа Конституция жобасын қолдай отырып, оның ел болашағы үшін стратегиялық маңызға ие екенін атап өтті. Сондай-ақ, құжатты талқылау жұмыстары өңірде ары қарай да жалғасатыны, халықтың түрлі топтары арасында түсіндіру және пікір алмасу кездесулері өткізілетіні туралы шешім қабылданды.