Жетісу облысында есірткіге қарсы жаңа «Zhetysu Digital Anti-Drug Hub» жобасы іске қосылуда

Жобаның басты мақсаты — заманауи технологиялар, оқыту және еріктілердің бастамалары арқылы жастардың есірткіге тәуелділігінің алдын алу.
Өңірде барлық профилактикалық жобаларды үйлестіретін бірыңғай антинаркотикалық хаб құрылуда. Сонымен қатар, кез келген адам кеңес пен көмек алу үшін жүгіне алатын «SafeLine» байланыс орталығы жұмысын бастайды.
Арнайы «Risk-Analyzer» жүйесі тәуекел топтары мен алдын алу жұмыстарын күшейтуді қажет ететін аудандарды анықтауға көмектеседі.
Облыс көлемінде «Zhetysu Anti-Drug Fest Nomad Tour» шарасы ұйымдастырылады. Оның аясында жастармен кездесулер, дәрістер, тренингтер, спорттық жарыстар және ата-аналармен ашық диалогтар өткізіледі.
Жобаның тағы бір маңызды бағыты — «Digital Immunity». Мұнда жастарға бейнероликтер мен онлайн-контент арқылы киберқауіпсіздік, медиасауаттылық және волонтерлік негіздері үйретіледі.
Бұдан бөлек, өңірде есірткіге қарсы волонтерлер мектебі ашылып, оқу процесі ойын форматында жүргізілмек.
Жобаның қорытындысы ретінде Есірткіге қарсы күрес күніне орай «Zhetysu Life-Fest» ауқымды фестивалі өтіп, белсенді еріктілер мен өңірдің цифрлық көшбасшыларына арнайы сертификаттар табысталады.