Күшіміз бірлікте
«Бүгін мен еліміздің азаматтарына арнайы үндеуімді жолдап отырмын. Баршаңызға белгілі, қазір елімізде күрделі жағдай қалыптасып отыр. Қардың күрт еруіне байланысты аймақтарда су тасқыны болып жатыр. Бұл – табиғи апат. Мұндай ахуал ұзақ жылдан бері болмаған. Бұл көлемі жағынан соңғы 80 жылдан бергі ең ірі табиғи апат деуге болады…
Көп түкірсе — көл
Атқарушы органдар жіберген олқылықтарды түзеу үшін мен шұғыл түрде нақты тапсырмаларды бердім. Қазір барлық қажетті шаралар қабылданып жатыр. Үкімет қарғын судың салдарын жоюға бар күшін салып жатыр», — деді Президент.
Әрине “Басы ауырмағанның, балтыры сыздағанмен ісі жоқ “деген, десекте өзі тұрмақ, өзгені туыс етіп алатын қазағымның туған-туысы ұлан байтақ елімізді жайлап жатыр емес пе? Бауыр,іні-қарындас, құда-жекжат, нағашы , қайын -жұрт дегендей. Әрі қызым Абай облысында еңбек етуде. “Көппен көрген — ұлы той”-деп, бір Аллаға тапсырып отырмыз, анасы екеуміз.
Басына іс түскен барлық жандарға деген жанашыр көңілімізді білдіре отырып, сабырға шақырамыз. Еліміз барда еңсеміз түспесін. Бұл күн де өтеді. Жаманшылық артта қалып, жаймашуақ мамыражай күн де туар. Елдігімізден айрылмайық. Біз біргеміз! Күшіміз бірлікте екенін ұмытпайық.
Бақыт Оналбаев,
кәсіпкер
Жетісу облысындағы жастар арасында нашақорлыққа қарсы іс-шаралар кешені ұйымдастырылуда
Жастардың бойына адамгершіліктің асыл қасиеттерін сіңіру, адам құқықтары мен бостандықтары…
