Жұмыла көтерген жүк жеңіл
Елімізде болып жатқан табиғи апат саналатын су тасқыны бүкіл халықтың жүрегіне қорқыныш ұялатқаны ақиқат. Абай, Ақмола, Атырау, Павлодар, Батыс Қазақстан, Солтүстік Қазақстан, Қарағанды, Қостанай, Ұлытау облыстарында су тасқыны орын алып, бұл өңірлерде төтенше жағдай жарияланған болатын.
Еріген қар суы салдарынан болған апат кезінде сан мыңдаған адам эвакуацияланып, көптеген адамдар уақытша орналастыру пункттеріне қабылданған, 74 елді мекен көлік қатынасынсыз қалып, 1.043 жеке тұрғын- үй және 298 аула аумағы су астында қалып,.8 мыңға жуық мал қырылды.
Осыған орай бүгін Мемлекет басшысы Қасым- Жомарт Кемелұлы Тоқаев Қазақстан халқына Үндеу жариялап, ел- жұртқа басу айтты.
Мемлекет басшысы еліміздегі күрделі жағдайды баяндай келе, бұл апат соңғы 80 жылда болып отырғанын баса айтып, еліміздегі барлық атқарушы органдарға жіберген олқылықтарды түзету мақсатында шұғыл түрде нақты тапсырмалар берді.
Елімізде Премьер- министрдің басшылығымен республикалық штаб құрылғанын, төтенше жағдайлар бөлімінің барлық ресурстары тартылатынын мәлімдеді. Сонымен қатар зардап шеккен жандарға көмек көрсетіліп, материалдық шығындар түгел өтелетінін баса айтты .Қорғаныс министрлігі қосымша әскери күштер жолдайтынында тілге тиек етіп, елдің ертеңге деген сенімін оятқандай болды.
Мемлекет басшысы БАҚ құралдарын, белсенді азаматтарды , блогерлерді халыққа жалған ақпарат таратпай, ресми мәліметтерге ғана сүйенуге шақырды.
Иә » Жұмыла көтерген жүк жеңіл» дейді халық нақылы. Ендеше, бір ел, бір халық болып, қиындықты жеңетінімізге сенеміз.
Бөкен Рысбеков
Кербұлақ ауданы Ақсақалдар алқасының төрағасы.
