«AMANAT» партиясының «Ауыл Аманаты» жобасы аясында Сарыбастау ауылдық округінің тұрғындарымен кездесу өтті.

«AMANAT» партиясының «Ауыл Аманаты» жобасы аясында Сарыбастау ауылдық округінің тұрғындарымен кездесу өтті.
Сарыбастау бастауыш партия ұйымының ұйымдастыруымен «Ауыл Аманаты» жобасы аясында кездесу өтті. Кездесуге ауылдық округ әкімі, бастауыш партия ұйымының төрағасы, ауыл тұрғындары, шаруа қожалықтарының басшылары қатысты.
Шараның мақсаты: Ауыл тұрғындарына 2,5 пайыз болатын жеңілдетілген несие беру, ауыл шаруашылығы кооперативтеріне құрал-жабдық пен техника сатып алу үшін субсидиялар қарастыру «Ауыл аманаты» жобасының ұтымды тұстарын түсіндіру.
Кездесу барысында бағдарлама 2023-2025 жылдарға арналған және несиелер өткен жылдан бастап беріліп жатқандығы айтылды. «Ауыл аманаты» жобасы бойынша ауыл тұрғындары өз бизнесін дамытуға немесе кооператив құрамында жеңілдетілген несие ала алады, сондай-ақ техниканы лизингке рәсімдеуге болады. Қарыз алу шарттары да өте тиімді, себебі ондағы пайыздық мөлшерлеме әлдеқайда төмен екендігін айтты.
Сонымен қатар, ауыл тұрғындары жобаға қатысты түрлі сұрақтарын қойып, заңдылық аясында жауаптарын алды.
Жаңа жобаның Мемлекет басшысының ауылдарды қолдауға арналған жоспарларымен қатар жүретіндіктен, оның алтын бесігіміз ауылдар үшін маңызы мол болмақ.