Кербұлақ ауданының әкіміне «AMANAT» партиясынан кандидат Қанат Болатұлы Есболатовты қолдау жөніндегі қоғамдық штабтың ашылуы өтті.
Өздеріңізге белгілі Мемлекет басшысы Қасым-Жомарт Кемелұлы Тоқаев биылғы Жолдауында аудандар мен облыстық маңызы бар қалалардың әкімдері сайланатынын мәлімдеген болатын. Мемлекет басшысының аудандар мен облыстық маңызы бар қалалардың әкімдерінің тікелей сайлауын өткізу туралы бастамасы мемлекеттік басқаруды орталықсыздандыруға және азаматтардың жергілікті атқарушы билік деңгейінде шешімдер қабылдауға тікелей қатысуын кеңейтуге бағытталған.
Яғни, үстіміздегі жылдың 5 қарашасында алғаш рет облыстық маңыздағы 3 қала мен 42 ауданның әкімі сайланады.
Осыған орай, 11 қазан күні Жетісу облысы Кербұлақ ауданының әкіміне «AMANAT» партиясынан кандидат Қанат Болатұлы Есболатовты қолдау жөніндегі қоғамдық штабтың ашылуы өтті. Штабтың ашылуына кандидат Қ. Есболатов, штаб мүшелері қатысып, штаб төрағасы Г. Камамбаева кандидаттың сайлауалды бағдарламасы және желілік кестесімен таныстырып өтті. Сонымен қатар Қ. Есболатов сөз алып, партия сенім артып, саяси додаға ұсынып отырғандығына рахмет айтып, штаб мүшелеріне бірлесе белсенді жұмыс жасауға шақырды.
Штаб төрағасы штабтың негізгі бағдары – сайлаушыларға кандидаттың сайлауалды бағдарламасын түсіндіру, жеткізу, кандидатқа дауыс беруге, сондай-ақ, сайлау күні тұрғындарды сайлауға белсенді қатысуға шақыру екендігін айта келе, алда үгіт жұмыстарын нұсқаулыққа сай, заң талаптарын сақтай отырып ұйымдастыру қажет екендігін атап өтті.
Азаматтарды қабылдау орталығы
Аталған Регламент бойынша жауапты қызметкерлер бекітілген. Орталықта «Консультация»…
