Әділетті Қазақстан

Мемлекет басшысы Қ. Тоқаев Қазақстан халқына 2023 жылдың  1 қыркүйек күні жолдаған «Әділетті Қазақстанның экономикалық бағдары» атты Жолдауы Жаңа, Әділетті Қазақстанды құру жолындағы аса  маңызды қадам болды. Жаңа, Әділетті Қазақстанды құру адам  арманын іске асыруға жетелейтін асыл мұраттар. Біз бәріміз – осы мемлекеттің бөлшегіміз. Әділетті кезеңнің жаңа парағы ашылғанда сергектік пен жауапкершілік танытуымыз керек. Өскен ел, өрелі жұрт екенімізді көрсетуге тиіспіз.

Реформаның мақсаты – елімізді саяси тұрғыдан одан әрі жан-жақты жаңғыртудың берік іргетасын қалау болып табылады. Жаңа реформалар құруда ел басшысы бірнеше бағдар ұсынды. Жаңа экономикалық саясат бағытында макроэкономикалық тұрақтылықты қамтамасыз ету, экономиканы әртараптандыру және цифрландыру. Сондай-ақ, шағын және орта бизнес пен адам капиталын дамыту, заң үстемдігін орнықтыру.

Әрбір Қазақстан азаматының дербес, тәуелсіздігінен бөлек, оның байқуатты, бақытты өмір сүруі үшін адам әлеуетін көтеру, халықты әлеуметтік қамсыздандыру, құқықтық қоғам орнықтыру арқылы жаңа реформаларды жүзеге асыру болып табылады. Енді мемлекетіміздің және қоғамның барлық саласын жаңғырта түсуге тиіспіз. Бұл тұжырым – қоғамымыздың мызғымас тұғыры. Жүзеге асырылатын Реформалардың нақты бес бағдарының мазмұны жан – жақты толыға түсті. Жалпыұлттық ынтымақты және билікпен қоғамның серіктестігін нығайта береміз. Елді ізгі мақсатқа жұмылдыруды қолдауымыз керек. Әділетті Қазақтан идеясының түпкі мәні осы.

Қорыта келе, Елдігімізді қорғаудың ең басты жолы – берекелі бірлік. Президент өзекті, шешімін күтіп тұрған мәселелердің бар екенін ашық айта келе, сонымен бірге оларды шешудің ұтымды жолдарын ұсынады, тәуекелдер мен мүмкіндіктерді прагматикалық тұрғыдан бағалайды.

Қазақстан Республикасының Президентінің әділетті Қазақстан құрудағы жаңа реформасы барша Қазақстандықтардың болашағын баянда етіп, келешегінің кемел болуына ашылған дара да жарқын жол екені сөзсіз деп білеміз.

Кербұлақ ауданы ішкі саясат, мәдениет, тілдерді дамыту және спорт бөлімінің бас маманы Д. Сайдуллай