Алматы облысында Конституция күніне орай 80 іс-шара өтеді

Халқымыз үшін маңызды мерекенің бірі – Қазақстан Республикасының Конституциясы күні.

Президентіміз Қасым-Жомарт Кемелұлы Тоқаев: «Қазақстан Конституциясы – халықтың бірлігі мен мемлекет тәуелсіздігінің берік негізі», – деп айтып өткеніндей, қай елдің болсын тұрмыс-тіршілігі қандай да бір заң қағидаттарымен реттелетіні сөзсіз. Ата-заң Отанымыздың табысты дамуы мен өркендеуінің басты кепілі. Осыған орай, аталмыш мереке облыс бойынша ерекше аталып өтіледі. Бұл туралы

Баспасөз мәслихатында мәдениет, архивтер және құжаттама басқармасы басшысының м.а Гулнұр Домбай және де дене шынықтыру және спорт басқармасының бөлім басшысы Рахман Шахарбек мереке күніне өтілетін іс-шаралар жоспарымен бөлісті.

Облыста мерекеге орай 70-тен аса әлеуметтік маңызды мәдени және спорттық шара өтеді. Мерекелік шаралар 28 тамыздан басталып  1 қыркүйекке дейін жалғасады.

Бұл күні, Талғар; Іле, Жамбыл аудандарының мәдениет үйінде арнайы мерекелік концерт өтсе, Райымбек ауданында «Ата Заңым – айбыным» атты тақырыпта ақпаратты-танымдық кеш өтеді деп жоспарланған.

“Мереке қарсаңында Облыс орталығында әкімінің қатысуымен түрлі салалар мен қызметтердің дамуына елеулі үлес қосқан азаматтарға құрмет громаталары табысталды.Облыстың аудан мен ауылдарында түрлі мерекелік кештер ұйымдастырылады. Негізгі жоспар бойынша мәдениет үйлерінде 50 ден астам, музейлерде 8 мерекелік іс-шара өткізіледі,- дейді Гүлнұр Домбай

Бұдан өзге, облыстық спорт мекемелерінде 30 іс-шара ұйымдастырылады.

“ 28 тамыз – 06 қыркүйек күндері аралығында Талғар ауданы«Ақ – Бұлақ» тау курортында мемлекеттік мерекесіне орай Шахматтан Қазақстан Республикасы балалар кубогының 6 – шы кезеңі және «Aq – bulaq Open 2023» халықаралық турнирге 250-ге жуық шахматшы қатысады деп жоспарлануда,- дейді Рахман Шахарбек

Баспасөз мәслихаты соңында спикерлар мерекелік кештерді әр аудан ауыл өз деңгейінде атап өтетінін айтты.