Президент реформалары – саяси жаңғыруға қадам

Мемлекет басшысының 2022 жылдың 01 қыркүйектегі «Әділетті мемлекет. Біртұтас ұлт. Берекелі қоғам» атты Жолдауында еліміздің жүзеге асатын реформаларға қатысты бес бағытқа бөліп, әрқайсына жеке-жеке талдау жасап, атқарылатын міндеттерді айтқан болатын.

1. Жаңа экономикалық саясат,

2. Нақты секторды дамыту.

3. Ел болашағына арналған стратегиялық инвестици.

4. Мемлекеттік басқару ісін қайта жаңғырту.

5. Заң және тәртіп.

Осы аталағн бес бағыт нақты іске асу үшін елімізде заң берік орнығып,сот төрелегі, әділ атқарылуы қажет екені айтылған. Президент атап өткеніндей, еліміз үшін аса маңызды сәтте саяси жаңғыру бағдарламасын ұсындылды. Жаңа бастамалар жұрттың шынайы қолдауына ие болып, бір жылдың ішінде ауқымды жұмыс атқарылды.

Конституциялық өзгерістерге сәйкес Президент сайлауы, Сенат, Мәжіліс және мәслихаттар сайлауы өтті. Конституцияға толықтыру және өзгерістер енгізуге қатысты референдумды қосқанда бір жылға жуық уақыттың ішінде өте маңызды 5 саяси науқан өткізілді.

2023 жылдың 17 маусым күні Түркістан қаласында өткен «Әділетті Қазақстан — Адал азамат» атты Ұлттық құрлытайда мемлекет басшысы Әділетті Қазақстанды құру үшін әрбір отандасымыз адал азамат болуға ұмтылуы қажет екендігін атап өтті. Ұлттық құрлытай барысында Мемлекет басшысы нақты 8 бағытқа тоқталған болатын. Соның 8 бағытында Мемлекет басшысы биылдан бастап аудан әкімдерінің сайлауы өтетінін атап өтті. Биыл алғаш рет 45 аудан және облыстық маңызы бар қала әкімдерін тікелей сайлау өтеді. Одан кейін еліміздегі барлық аудан әкімдері сайланады. Бұл биліктің барлық институтының жаңарып, тың қарқынмен жұмыс істей бастауына септігін тигізеді.