Келешектің кемел жолы

Әділетті Қазақстанды құру жолында түбегейлі және жан-жақты реформаларды табысты жүзеге асыруда  халқымыз жалпыұлттық референдумда саяси жаңғыру бағдарын қолдады. Бұл  Конституциялық реформа Жаңа, Әділетті Қазақстанды құру жолындағы аса маңызды қадам болды. Жаңа реформалар құруда ел басшысы  бірнеше бағдар ұсынды.

         Жаңа экономикалық саясат бағытында макроэкономикалық тұрақтылықты қамтамасыз ету, экономиканы әртараптандыру және  цифрландыру. Сондай-ақ, шағын және орта бизнес пен адам капиталын дамыту. Сондықтан, тың тәсілдер қажет екенін атап көрсетті. Атап айтсақ, жеке кәсіпкерлік бастамаларды ынталандыру, яғни, мемлекеттік капитализмнен және мемлекеттің экономикаға шектен тыс араласуынан бас тарту, бәсекелестікті дамыту, яғни бәріне бірдей мүмкіндік беру, сондай-ақ, ұлттық табысты әділ бөлу.

Экономиканың тұрақты өсуі салық саясатының түсінікті және болжауға болатындай етіп жүргізілуіне тікелей байланысты.

Тағы бір басымдық – салықтық ынталандыру шараларының тиімділігін арттыру. Ол үшін экономиканың түрлі саласында дифференциалды салық мөлшерлемесіне көшкен жөн және  сауда-саттық заман талабына сай дамуы үшін мөлшерлемесі ойға қонымды әрі рәсімдері қарапайым бөлшек сауда салығын қолдану аясын кеңейту керек деген басымдықты атап көрсетті. Сонымен қатар бұл бағытта ұлттық қордың қаржысын тиімсіз жұмсау тоқтатылады. Бұл – өте өзекті мәселе.

Мемлекет қаржылай қолдау жасаған кезде бәсекеге қабілетті шағын және орта бизнес өкілдеріне баса мән береді.  Кәсіпкерлікті жүйелі түрде қолдау. Еңбекақы төлеу қорын көбейткен және салық төлемдерін арттырған кәсіпорындарға қолдау көрсетіледі. Кәсіпкерлерге жер телімдерін ашық әрі жедел бөлудің тиімді тәсілдері айқындалуға тиіс делінген деген тұжырымдамаға келді.

Елбасшысы 2025 жылға дейін жергілікті жолдардың кемінде 95 пайызын жақсарту жөнінде тапсырма беріп отыр, ондағы мақсаты  нақты секторларды дамыту болып табылады. Ондағы негізгі салалардың бірі ауыл шаруашылығын дамыту – негізгі проблеманың бірі.  Осы саладағы ахуал мемлекетіміздің азық-түлік қауіпсіздігіне тікелей әсер етеді. Еліміздің ауыл шаруашылығы өнімдерінің көлемін және оның қосымша құнын арттыру қажет деп атап көрсетті.

Игерілмей жатқан жерді қайтарып алу жөніндегі комиссияның қызметіне жеке тоқтала кетті. Өйткені бұл салада инфрақұрылым әбден тозғандықтан  автоматтандыру және цифрландыру деңгейі төмен. Ғылыми негіздеме жоқ, мамандар тапшы. Қазақстан Республикасының Президенті К.Тоқаевтың бұл бағытта айтылған  мәселесі  ауылшаруашылық секторы бойынша ең өзекті мәселелердің бірі деп білемін.

Қорыта  келе, Қазақстан Республикасының Президентінің әділетті Қазақстан құрудағы жаңа реформасы барша Қазақстандықтардың болашағын баянда етіп, келешегінің кемел болуына ашылған дара да жарқын жол екені сөзсіз деп білеміз.

Хамзаинова Алия Тәңірбергенқызы Архарлы НМ директоры