Басты бет Жаңалықтар Биыл Алматы облысында «Жайлы мектеп» бойынша 28 оқу орнының құрылысы басталады
04.03.2023

Биыл Алматы облысында «Жайлы мектеп» бойынша 28 оқу орнының құрылысы басталады

Бұл туралы өңірлік коммуникациялар алаңында өткен баспасөз мәслихатында облыстық құрылыс басқармасының басшысы Сапар Нұрашев айтты.

««Жайлы мектеп» ұлттық бағдарламасы бойынша Алматы облысына жалпы сомасы 382,5 млрд теңге бөлінеді деп жоспарланып отыр. Бұл өңірде 63 мектеп салуға жеткілікті қаражат. Биыл оның 59,2 млрд теңгесі бөлініп, 28 нысанның құрылысы басталады», — деді Сапар Нұрашев.

Басқарма басшысының айтуынша, қалған 35 мектеп құрылысы 2024 жылы басталып, 2025 жылдың соңына дейін толығымен 63 мектеп құрылысын аяқтау жоспарланған. Аталған бағдарлама бойынша:

Еңбекшіқазақ ауданында 13 нысан;

Талғар ауданы мен Іле ауданында 14 нысаннан;

Қарасай ауданында 12 нысан;

Жамбыл ауданында 8 нысан;

Қонаев қаласында 2 нысан салынады деп жоспарланып отыр.

Сонымен қатар Сапар Нұрашев «1000 мектеп» жобасы аясында биыл Алматы облысында 16 мектеп қолданысқа беріледі деп жоспарланып отырғанын айтты. Бұл өз кезегінде оқушыларды 15 750 жаңа оқу орындарымен қамтамасыз етеді.

«Жаңадан ашылатын мектептерге шақырылатын 650-ге жуық мұғалімді тұрғын үймен қамтамасыз ету мәселесі де қарастырылып жатыр. Ол үшін елдімекендерде жер телімдері бөлінді және жобалық-сметалық құжаттамалар әзірленуде», — деді басқарма басшысы.

Айта кетейік, Алматы облысында 425 орта білім беру мектебі бар. Олардың 52-сі үш ауысымда оқытатын мектеп.

Ақерке Жұмағазықызы

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.

Оқи отырыңыз

Отандастарымыздың зейнетақы жинақтары жыл басынан бері 1 триллион теңгеге өсті

АҚПАРАТТЫҚ ХАБАРЛАМА     2023 жылғы 1 мамырға Бірыңғай жинақтаушы зейнетақы қоры…