Басты бет Бас мақала Сарқан ауданында «Мамания» қолөнер мектебі ашылды
01.03.2023

Сарқан ауданында «Мамания» қолөнер мектебі ашылды

Мектептің ашылуына «Алтын адам Жетісу шеберлер» орталығы мұрындық болды. Аталған нысан Қойлық ауылының мәдениет үйінде өз жұмысын бастады.

Қолөнер мектебінің ашылу салтанатына арнайы «Алтын адам Жетісу шеберлер» орталығының жектекшісі Динара Серікқызы, аудан әкімінің орынбасары Алмас Ажарханұлы қатысып, салтанатты түрде лентасын қиып, жұмыстарына сәттілік тіледі.

Мектепті құрудағы басты мақсат – қазақ халқының қолданбалы өнерін жас ұрпаққа насихаттап, бүгінде ұмыт болып бара жатқан ата кәсіпті қайта жаңғыртып, атадан балаға мұра болып келе жатқан салт-дәстүрмен қоса, қолөнер бұйымдарын жасап үйренуге баулу және оны кеңінен дәріптеу.

«Бұл бастама Мемлекет басшысы Қасым-Жомарт Кемелұлының «Балаларды қорғау — 2022» жобасы аясында мүмкіндігі шектеулі ерекше күтімді қажет ететін балаларды төл өнерге баулып, дағдыларын арттыруға бағытталған жобаның бірі. Мектебімізде құрақ көрпе, моншақ, ағаштармен жұмыс жасап, сурет салудан бөлек, қамшы тоқу мен киіз басуды да үйрететін боламыз», – дейді «Мамания» қолөнер мектебінің жетекшісі Светлана Толейевна.

Шара барысында «Жетісу — Ұлы Жібек жолын жаңғырту» шеберлерінің этно жәрмеңкесі де халық алдында ұсынылды. Оның мақсаты қазақ халқының қолданбалы өнерін насихаттау, ұмытылған халық қолөнерін жаңғырту, қолданбалы өнердегі ерекшелігін анықтау, қолөнершілікті дамытуға ықпал ету және өңірлер арасындағы мәдени байланыстарды нығайту. Сонымен қатаор ауданның қолөнершілерінің туындыларынан ерекше көрме қойылып, келген қауымды тәнті етті.

Айта кетейік, Сарқан ауданынан «Алтын Адам Жетісу шеберлер орталығы» ұйымына 25 адам мүшелік етеді.

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

Оқи отырыңыз

«Ауылдық денсаулық сақтауды жаңғырту» жобасы жүзеге асып жатыр

  Денсаулық сақтау саласы үшін халыққа сапалы медициналық қызмет көрсету – басты басы…