Басты бет Жаңалықтар Алматы облысында су желілерінің 60 пайызға жуығының тозығы жеткен
16.01.2023

Алматы облысында су желілерінің 60 пайызға жуығының тозығы жеткен

Бұл туралы өңірлік коммуникациялар қызметінің алаңында өткен баспасөз мәслихатында облыстық энергетика және тұрғын үй-коммуналдық шаруашылығы басқармасының бөлім басшысы Қайсар Әбсейітов айтты.

 

«Облыстағы су желілерінің жалпы ұзындығы – 5128 км. Оның ішінде, 57,7%-ның тозығы жеткен. 2959 шақырым су құбырын қайта жөндеуден өткізу қажет», – деді маман.

 

Оның айтуынша, осы уақытқа дейін сумен жабдықтау құрылыстары бойынша 28 жобаны іске асыру үшін бюджеттен 9,5 млрд. теңге бөлінді. 2022 жылы Кеген және Талғар аудандарындағы 2 нысанның құрылысы аяқталды. Сондай-ақ өткен жылы қаражаты игерілмей қалған жалпы сомасы 1,1 млрд теңгені құрайтын 5 нысанның қаржысын қайтаруға аудандардан ұсыныс түскен. Олар: Қарасай, Ұйғыр, Райымбек, Талғар аудандары.

 

«Аталған 28 жоба аяқталса 534 шақырым су желісі салынады және қайта жөндеуден өтеді. Нәтижесінде сумен жабдықтау желілерінің тозуы 57,7%-дан 47%-ға дейін төмендейді», – деді Қайсар Әбсейітов.

 

Айта кетейік, қазіргі таңда Алматы облысындағы елді мекендердің 92,7 пайызы орталықтандырылған ауыз сумен қамтамасыз етілген. Биыл мамандар бұл көрсеткішті 94 пайызға жеткізуді көздеп отыр.

 

 

2025 жылға дейін Алматы облысының 99,6 пайызы сумен жабдықталады

Мұны бүгінгі өткен баспасөз брифингінде облыстық энергетика және тұрғын үй-коммуналдық шаруашылығы басқармасының бөлім басшысы Қайсар Әбсейітов айтты.

 

 

«2023-2025 жылдары сумен жабдықтау бойынша 51 жобаны жүзеге асыру үшін жалпы сомасы 19,3 млрд. теңгені құрайтын бюджеттік өтінім жолданды. Оның ішінде 19 жобаға республикалық бюджеттен 10.1 млрд теңге бөлу мәселесі мақұлданды», – деді маман.

 

Оның айтуынша, қалған 32 жоба жергілікті бюджетке ұсынылды. Жалпы құны – 9,2 млрд. теңге.

 

«2025 жылға дейін ауылдық елді мекендердің 99,6 пайызы орталықтандырылған ауыз сумен қамтамасыз етіледі», – деді Қайсар Әбсейітов.

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

Оқи отырыңыз

Алматы облысының 5 өңірінде су тасқыны қаупі жойылды

  Департамент өкілінің айтуынша, өңірде 19 ақпаннан бастап су тасқыны кезеңіне жоғары…