Мәңгілік ел – мәңгілік отбасы байқауы

   Таяуда Көксу ауданында дәстүрлі облыстық жас отбасылар байқауы өтті. Жалпы байқау 2013 жылдан бастап өткізілуде. Биылғы «Мәңгілік ел – мәңгілік отбасы» атты  байқауға облыс аудандары мен қалаларынан 13 отбасы бүлдіршіндерімен қатысты. Негізгі іс-шара бес кезеңнен тұрды. Жалпы мақсаты  — жастарды  отбасылық құндылықтарды құрметеуге, қазақ халқының  салт-дәстүрі мен әдет ғұрыптарын,  бірлігі мен біліктілгін арттырып, болашақ жастарға тәлім-тәрбие беру. Алғашқы құттықтау  сөз тізгінін алған Ерлан Жакупов алып:

-Отбасылық құндылықтарды насихаттау, жастарды рухани біліммен сусындату  біздің жұмысымыздың басты мақсаты. Биылғы жылы мемлекеттік әлеуметтік тапсырыс аясында біз әрбір қалалық және аудандық АХАЖ-да отбасылық психолгтың кабинетін ашуды жоспарлап отырмыз. Бұл жобаның мақсаты жас отбасыларды, жастарды отбасылық өмірге алдын ала дайындау. Биылғы өткізіліп отырған іс-шара дәстүрге айналып келесі жылы да жалғасын тауып,  бұдан жақсы деңгейде өтеді деген сенімдемін. Бұл байқауда жас отбасылар кез келген сынаққа дайын болуларыңыз тиіс. Сондықтан құрметті жас отбасылар, құрметті қонақтар барлықтарыңызға тек қана сәттілік тілеймін,- деп сөзін аяқтады.

Іс-шара мақсаты бойынша бірді-бір отбасы назардан тыс қалған жоқ. Келіндер өз өнерлерін ошақтың басында, дәмді тағамдарын дайындап халық назарына ұсынса, ерлер ет өңдеп, ежелден келе жатқан ойын түрінің бірі  желкеге қойды асып отырып жарысты. Іс-шара жалпы тартысты әрі қызықты өтті.

«Жүйріктен жүйрік озар жарысқанда» демекші әділқазылар алқасының шешімі бойынша  бас жүлдені Талдықорған  қаласынан Есенбаевтар отбасы иеле нсе, бірінші орынды Кербұлақ ауданынан Үмбетовтар отбасы қанжығасына байласа,  екінші мен үшінші орынды Райымбекпен Ескелді ауданынан келген жас отбасылар өзара бөлісті. Қалған отбасыларда бағалы сыйлықтармен арнайы сертификаттармен марапатталды. Іс-шара соңында жас отбасылар қызықты іс-шара болғандығын айтып, ұйымдастырушыларға алғыстарын білдіріп, естелікке суретке түсті.

Аудандық жастар ресурстық орталығының жетекшісі                                                   Алмас Мыңбаев