«Нептун» күні

«Ай-Сана» бөбекжай-балабақшасында» тәрбиешілер мен медбикелердің ұйымдастыруымен балалардың қатысуымен «Нептун күні» атты мерекелік іс-шара өтті.
Мерекенің басты мақсаты —  балаларға су тіршілік көзі екенін үйрету, сумен ойнайтын ойындардың ережесін сақтай отырып балалардың қимыл – қозғалысын, икемділігін, шапшаңдығын арттыру, сонымен қатар, балалардың таза ауада серуендеп, спорттық қимылдар жасап, қуанышты күн кешу.
Нептун – өзен, көл және теңіз патшасы.  Бұл күні адамдар көл жағасына жиналып, суға шомылады. Мерекенің шырайын келтірген кейіпкерлер су патшасы «Нептун», «Алтын балық», «Су патшайымы» және т.б. балаларды үлкен қуанышқа кенелтті.
Ертегі кейіпкерлерінің өнерлерін балалар үлкен қызығушылықпен тамашалады.
Әртүрлі эстафеталар, доп лақтыру секілді бірнеше ойындар енгізілген жарыста, олар аса зор белсенділік танытты.
Бөбекжайымызда балалармен «Нептун» күнін өте көңілді өткіздік. Топтар арасында су тасу, балық аулау, тақпақ айту, су маржандарын теру т.б. сынды сайысқа түсіп, су патшасымен бірге ойындар ойнатылды.
Мереке соңында балалар ертегі кейіпкерлерімен бірге суретке түсіп, су шашып мәз-мейрам болды.
А.ӘБДІРАХМАН,
«Ай-Сана» бөбекжай-балабақшасы
МКҚК медбикесі.