Біз бақытты баламыз!

Жоламан ауылдық округінде Жоламан орта мектебі мектепке дейінгі шағын орталығы жанынан ашылған «Балдәурен»  жазғы сауықтыру  лагерінің І ауысымы өтті.
Лагерьдің мақсаты — балалардың дұрыс  демалуына жағдай жасау, көтеріңкі көңіл-күйде болуын қалыптастыру. Балалардың  денсаулығын сақтау, сапалы білім мен саналы тәрбие беру.
Бірінші ауысым тәрбиешілері А.Донғабақова мен А.Байәділованың  ұйымдастыруымен жоспар бойынша түрлі шаралар, спорттық жарыстар, байқаулар өткізілді. Жастар ісі жөніндегі нұсқаушысы Г.Талғарбаевамен  бірлесіп,  «Менің Отаным-Қазақстан!» атты сурет салу байқауын өткізді. Лагерьдің соңғы  күні  «Біз бақытты баламыз» атты тәрбие сағаты өтті.  Балалар  өздерінің ән-жырларын айтып, би-билеп, өнерлерін көрсетіп, ата-аналардың  және көрермендердің ықыласына бөленді. Лагерьдің І ауысымы балалар үшін өте қызықты өтті.
Гүлназ ТАЛҒАРБАЕВА,
Жоламан  ауылдық округінің  жастар
ісі жөніндегі нұсқаушысы.