Басты бет Жаңалықтар ҰБТ барлық санитарлық-эпидемиологиялық талаптарды сақтай отырып өткізуге дайын
15.06.2020

ҰБТ барлық санитарлық-эпидемиологиялық талаптарды сақтай отырып өткізуге дайын

 

ҰБТ барлық санитарлық-эпидемиологиялық талаптарды сақтай отырып өткізуге дайын

Тәуелсіз еліміздің болашағы – білімді ұрпақ десек,  Президент жыл сайын  Қазақстан халқына жолдаған  Жолдауларында білім беру мәселесіне ерекше басымдықтар беріп,  «Сапалы білім беру – Қазақстанның индустриялық-инновациялық дамуының негізі» екендігін атап көрсетеді. Сапа – оқушының тынымсыз еңбегінің,  ал оқытушының  шығармашылығымен  ізденісі, жүйелі жұмысының  нәтижесі екені сөзсіз. Осы сапа көрсеткіші  ҰБТ  қорытындысымен бағаланады. Жыл сайын мектеп түлектері Ұлттық бірыңғай тестілеуге қатысады. Әр тестілеу сайын ата-ана мен ұстаз бұл айрықша емтиханның нәтижесі қалай болар екен деп қобалжиды. ҰБТ — мектептің, мұғалімдердің, оқушылар мен ата-аналардың оқу кезеңінде атқарған күллі қызметіне баға беретін өзіндік бір ерекше шара болып табылады. Бұл баға мектеп үшін де, ата-ана үшін де, оқушылар үшін де оңды болуы үшін белгілі бір дәрежеде күш-қуат жұмсау қажет болады. Қандай да бір жұмыстың нәтижелі болуы – ең алдымен дұрыс жоспарлаудан басталатыны белгілі. Қазіргі заманның бет алысына қарай тың талпыныс жасау – ілгерлеудің кепілі.11 жылдық оқуды аяқтау қорытындысы ретіндегі бітіру емтиханы, жоғары оқу орындарына түсу емтиханы және түлектерге мемлекеттік гранттарды тағайындау механизмі. Былтырдан бастап ҰБТ-ның жаңа форматы енгізілгені мәлім. Яғни қорытынды аттестаттау немесе бітіру емтихандары мектептерде өткізіледі де, ҰБТ жоғары оқу орнына түсу және мемлекеттік гранттарды тағайындау емтиханы болып қала береді. Осы жылғы ҰБТ форматында өзгеріс жоқ. Биыл аудан бойынша ҰБТ-ға қатысуға өтініш берген мектеп бітірушілердің саны – 350 (76%). Оның ішінде 335 (97,5%) түлек қазақ тілінде, 14 (4%) түлек орыс тілінде, 1 түлек ағылшын тілінде тапсырады. Былтырғы жылмен салыстырғанда ҰБТ тапсыруға өтініш берген мектеп бітірушілердің саны 12,4 пайызға өсіп отыр. Мектеп бітірушілерге тестілеуді ағылшын тілінде тапсыру мүмкіндігі беріледі. Түлектердің ҰБТ-ға дайындығы үшін сынамалық онлайн тестілерінің функционалы жетілдірілді.  Бүгінге дейін мектеп бітіруші түлектер ҰБТ орталығы ұсынған 70 нұсқамен онлайн-тест тапсырып, дайындық жүргізді.

Ауданымыздың түлектері үшін ағымдағы жылдың  24,25,26 маусым күндері аралығында Сарыөзек орта мектебінің базасында Ұлттық бірыңғай тестілеу өткізу белгіленді. Биылғы жылы ҰБТ-да санитарлық-эпидемиологиялық талаптар қатаң сақталады. ҰБТ 5 пән (3 міндетті және 2 бейіндік) бойынша қағаз жүзінде өткізіледі. Тест тапсырмаларының саны – 120. Ең жоғары балл – 140. Жаңашылдықтар: Тұлғаның бет-әлпетін тану көмегімен (Face ID) сәйкестендіру; Электрондық сертификат және білім беру грантын тағайындау туралы электрондық куәлік; SAT, ACТ және IB халықаралық стандартталған тестерінің балдарын ҰБТ балына аудару; Шекті балл жинамағандарға ҰБТ-ны қайта тапсыру мүмкіндігі беріледі; Болашақ педагогтер үшін шекті балл — 70; ҰБТ барысында түсірілген бейнежазба сарапталады. Тест тапсырушылары тыйым салынған заттарды пайдаланғаны анықталған жағдайда ҰБТ нәтижесі де, тағайындалған білім беру гранты да күшін жояды; ҰБТ тапсыру орындарында калькулятор беріледі; Тестілеу уақыты 4 сағатқа созылады.

     Осыған орай ұлттық бірыңғай тестілеу өтетін Сарыөзек орта мектебіндегі №760 тестілеу пунктінде біріншіден, ішкі істер бөлімі қауіпсіздік шараларын қатамасыз ету, екіншіден, жергілікті атқарушы органдарға барлық ҰБТ өткізу пункттерін тосқауыл таспаларымен, залалсыздандыру туннельдерімен, тепловизорлармен, санитайзерлермен, залалсыздандыру кілемшелерімен, респираторлық маскалармен қамсыздандыру және қамтамасыз ету міндеті қойылып отыр. 2019-2020 оқу жылындағы Ұлттық бірыңғай тестілеуді ұйымдастыру және өткізу бойынша іс — шаралар жоспары бекітіліп аудан әкімдігі құқық қорғау органдарымен және денсаулық сақтау мекемелерімен бірлесіп, санитарлық талаптарды қатаң сақтай отырып, тиісті деңгейде ҰБТ-ны өткізуге дайын. 

 

Білім бөлімінің бас маманы 

Сагатова Гульжанат Базарбайқызы

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

Оқи отырыңыз

Алматы облысының 5 өңірінде су тасқыны қаупі жойылды

  Департамент өкілінің айтуынша, өңірде 19 ақпаннан бастап су тасқыны кезеңіне жоғары…