Талғар ауданында екпе алу қарқынды. Аймақтағы медицина қызметкерлерінің 97%-ы, білім ошақтарындағы мамандардың 89,8%-ы, аудандағы мемлекеттік қызметкерлердің 86%-ы, құқық қорғау органдарының мамандарының 82%-ы, студенттердің 37,1%-ы вакцина салдырғандар қатарында. Ұзын-саны 36 877 адам екпе алған.
Ауданда, коронавируспен күрес жан-жақты жүзеге асуда. Науқастарды емедеп, тұрғындардың екпе алуынан бөлек, қоғамдық орындардағы карантин талаптарының сақталуы да басты назарда. Талғар ауданында жыл басынан мониторингтік топтар 1834 тексеру жұмыстарын жүргізіп, 14 608 нысанды қамтыды. Рейд барысында карантин талаптарын бұзған 155 жағдай анықталған. Нәтижесінде, жалпы сомасы 14 585 000 теңге көлемінде айыппұл салынды.