Демократиялық мемлекетте билік қайнар көзі — халық. Азаматтар өз таңдауын сайлау арқылы өкілдерін (депутаттарды) таңдаумен шектеліп қана қоймай, конституциялық өзгерістер, мемлекеттік шекара мәселелері немесе елдің даму бағытын айқындайтын маңызды заңдар бойынша тікелей дауыс беру құқығына ие.
Референдумға қатысу — әрбір азаматтың өз елінің болашағына деген жауапкершілігі. «Бір дауыс ештеңені шешпейді» деген түсінік — үлкен қателік. Көптеген ұсақ дауыстардан үлкен шешім қалыптасады.
Референдум арқылы қабылданған шешімдер халықтың кең қолдауына ие болады. Бұл қоғамдағы келісімді нығайтып, мемлекеттік саясаттың легитимділігін арттырады.
Бұл тетік халыққа билікпен тікелей диалог орнатуға және мемлекеттік маңызды мәселелерді шешуге ықпал етуге мүмкіндік береді.
Облыс деңгейіндегі референдумдар да жергілікті тұрғындардың мүддесін қорғау мен өңірлік мәселелерді шешуде маңызды рөл атқарады. Әрбір дауыс — бұл елдің ертеңіне қосылған үлес. Сондықтан, референдум өткізілген кезде бейтарап қалмай, өз азаматтық ұстанымымызды білдіру — әрқайсымыздың парызымыз. Тек саналы және белсенді қоғам ғана өркендеген мемлекетті құра алады. Болашағымызды өз қолымызбен қалыптастыру — біздің ортақ міндетіміз.
Аяулым Жалбенова