Ұстаздар күніне орай білім саласының үздік өкілдерін құрметтеуге арналған арнайы іс-шара ұйымдастырылды.

Іс-шара барысында аудандық «Әділет» партиясы филиалының төрағасы Г. Камамбаева бірқатар ұлағатты ұстаздарға «Әділет» партиясы Жетісу облыстық филиалының төрағасы А. Есбай және Жетісу облыстық білім басқармасының басшысы Д. Жүнісовтың Алғыс хаттарын табыс етті.

Ұстаз – жас ұрпаққа білім беріп қана қоймай, олардың бойына адамгершілік, жауапкершілік пен елжандылық қасиеттерін қалыптастыратын ерекше тұлға. Сондықтан мұғалім еңбегін бағалау – қоғамның білім мен болашаққа деген құрметінің белгісі.

Мерекелік шарада білім саласының дамуына үлес қосып жүрген ұстаздарға алғыс айтылып, еңбектеріне толағай табыс, шығармашылық шабыт және зор денсаулық тілектер айтылды.

«Әділет» партиясы ұстаздар қауымын әрдайым қолдап, білім мен тәрбие саласындағы маңызды бастамаларды жүзеге асыруға атсалыса береді.