2026 жылдың 11 наурыз күні Сарыөзек ауылында салынып жатқан кітапхана құрылысының барысымен таныстым.
Нысанды аралау барысында құрылыс жұмыстарының сапасы, қауіпсіздік талаптарының сақталуы және белгіленген мерзімде орындалуы мәселелеріне ерекше назар аударылды. Кітапхана – ауыл тұрғындары үшін, әсіресе жас ұрпақтың білім алып, рухани дамуына ықпал ететін маңызды мәдени-танымдық орталықтардың бірі.
Сондықтан нысанның талапқа сай, сапалы әрі уақытында пайдалануға берілуі басты назарда. Құрылыс алаңында жауапты мамандармен пікір алмасып, жүргізіліп жатқан жұмыстардың барысы талқыланды.
Жауапты мердігер ұйымға құрылыс жұмыстарын белгіленген талаптарға сәйкес жүргізіп, нысанды жоспарланған мерзімде аяқтау бойынша тиісті тапсырмалар берілді.