Электрондық сот төрелігі

Қазіргі таңда электронды үкімет құру мемлекеттің аса маңызды тапсырмаларының бірі болып табылады. Осы орайда электронды сот төрелігін дамытудың негізгі бағыты. «100 нақты қадам» Ұлт жоспарында және Елбасымен Судьялардың жетінші съезінде айтылған болатын. Оны орындау мақсатында Жоғарғы Сотпен электронды әділ сот жүйесін дамытуда көптеген шаралар жасалды. Сот өндірісіне жаңа технологиялар енгізілуде. Бұл өз кезегінде сот процестерін жеделдетіп, тез арада шешілуіне ықпал етеді. Сот барысы туралы азаматтарды хабарландыру оңай жүреді, қағазбастылық азаяды, процессуалдық байланыстар азаяды. Арыздармен өзге де құжаттар электронды форматта қабылдануда. Әрбір азамат электронды кілт арқылы сот кабинетіне кіріп, өз ісін қашықтықта қадағалап отыра алады. Барлық шешімдер жарияланады, әрбір азамат өзінің ісінің қай кезеңде тұрғанын көріп, сот тәжірибесімен, хаттамамен және сот шешімімен таныса алады. Бүгінгі таңда барлық сот отырыстары дыбыс-бейнежазу құралдары арқылы қаралуда.
Негізгі жүйе «Төрелік» 2016 жылдан бастап қолданылып келеді. Басты электронды қызмет «Сот кабинетінде» шоғырландырылған. Оған көптеген қызмет түрі енгізілген. Бұл сервис кез-келген тұлғаның уақытын үнемдей отыра, үйінен немесе кеңседен шықпай, ғаламтор желісі арқылы сотқа талап арыз, өтініш тапсыру, әрі мемлекеттік баж төлеуге мүмкіндік береді. Қазіргі кезде бұл сот жүйесінің сот төрелігін жүзеге асырудың ашықтығы мен жариялылығын қамтамасыз ету құралдарының бірі болып табылады. Жеке тұлғалар және олардың өкілдері, заңды тұлғалардың өкілдері «Сот кабинетінде» орналастырылған электрондық нысандарды толтыру арқылы электрондық құжаттарды сотқа ұсынуға құқылы. Бұл үшін көрсетілген адамдар «Сот кабинетіне» тіркелуі қажет. «Сот кабинетіне» тіркелген адам электрондық құжаттарды беру сервисінің пайдаланушысы болып табылады.
Осылайша, бүгінгі күні, электрондық құжат айналымының бірыңғай жүйесі енгізіліп, сот ісін жүргізуде қазіргі заманғы технологиялар арқылы халыққа көптеген ақпараттық қызметтер көрсетіліп, сот жүйесінің тиімділігін, қолжетімділігі және ашықтығын одан әрі арттыруға қажетті жағдайлар жасалды.
А.ҮМБЕТАЙ,
№ 2 аудандық сотының төрағасы.