Елдігімнің нышандары

Тәуелсіздіктің таңы арайлап атқан сәттен бастап елдігіміздің
нышандары бекітілді. Ашық аспанда қалықтаған қыраны бар
көк байрағымыздың желбірегені, барша қазақ елі үшін үлкен
мәртебе.
Төртінші маусым күні Қазақстан Республикасының
Мемлекеттік рәміздері күніне орай аудан орталығы Сарыөзек
ауылындағы орталық алаңда «Мемлекеттік рәміздер –
Тәуелсіздік символы» атты мерекелік шара өтті. Еліміздің
Гимні шырқалып, алғашқы мерекелік құттықтау сөз аудан әкімі
Бигелдиев Махаббат Сәдуақасұлына берілді.
— Құрметті мерекеге қатысушылар! «Қазақстан
Республикасының Мемлекеттік рәміздері туралы»
Конституциялық Заң 2007 жылы 4 маусымда қабылданды. Осы
Заңға сәйкес жыл сайын 4 маусым Қазақстан Республикасында
Мемлекеттік рәміздер күні
ретінде мерекеленеді. Сан
ғасырлар бойы бабаларымыз
аңсаған тәуелсіздікке қол
жеткізіп, тұғыры биік Туымыз
бен ел тарихына әлемге
танытар Елтаңба және
кез келгеннің патриоттық
рухын көтеретін мемлекеттік
Гимнімізбен айбынды
ел болдық. Сондай-ақ,
Қазақстан Республикасы
Конституциясында әрбір
қазақстандық тұрғын Мемлекеттік
рәміздерді құрметтеуге міндетті
деп жазылған. Мемлекеттік
Рәміздерге деген құрмет,
оларды Заңға сәйкес пайдалану
әрқашанда өзекті мәселе. Осы
қасиетті белгілердің мәнін
әрбір азамат терең түсініп, оны
қастерлей білуіміз керек. Салтанаты жарасқан қаласы бар,
байтағы ұшан-теңіз даласы бар, аруақ қолдаған бабасы бар ел
екенімізді мақтан етейік, Туымыз тұғырлы, Елтаңбамыз еңселі,
Гимніміз асқақ болсын, еліміз аман, заманымыз тыныш болсын,
халқымыз аман, рәміздеріміздің мәртебесі биік болғай,-деп
аяқтады сөзін.
Алаңда аудан орталығындағы төрт мектептің оқушылары
флешмоб орындап, аудандық Мәдениет үйінің әншілері Дүйсен
Аңсабаев пен Бағдат Алиевтің сөзіне жазылған Жаңғазы
Жексембаевтың әні «Күреңбелім менің», аудан әкімі Махаббат
Бигелдиевтің сөзіне жазылған Бауыржан Есебаевтың әні
«Менің Елбасым», Елбасының сөзіне жазылған Бекболат
Тілеухановтың «Елім менің» әнін «Арлан» тобы халық назарына
ұсынды.
Іс-шара соңы аудан орталығы ауылының көшелерінде сап
түзеген автокөліктер мен велошеруіне ұласты.
Дидар ДИХАНБАЕВ.