Штаб отырысы өтті

Соңғы кезде елімізде менингококк эпидемиясы туралы
айтылып, адамдар арасында үрей туғызғаны жасырын емес.
Бүгінгі таңда деректерге сүйенсек облыс бойынша менингиттің
салдарынан 4 өлім жағдайы тіркеліпті.
Осы орайда жақында аудан әкімдігінде шұғыл жиын өтті.
Жиынға аудан әкімінің орынбасары Б.Момбаев, Кербұлақ
аудандық ҚДСБ басшысы
Е.Ешкенов, Сарыөзек ауылының
әкімі Б.Тұрсынбаев, Кербұлақ
ауданы төтенше жағдайлар
бөлімінің аға инженері А.Үмбетов,
ішкі саясат бөлімінің басшысы
Г.Бекбатырова, ҚДСБ бас маманы
Б.Ахметова, аудандық газет тілшісі
Д.Дүйсенбаева қатысты.
Жиынды аудан әкімінің
орынбасары Б.Момбаев
ашып, елімізде менингококк
инфекциясының эпидемиялық
ахуалының күрделенуіне
байланысты ауданда ауруды
болдырмай алдын алу мақсатында
штаб құрылғанын айтып, алғашқы штаб отырысында комиссия
мүшелерін бекітті.
— Сарыөзек-балалардың көп шоғырланған жері. Осыған
байланысты мектептерде күндізгі лагерь уақытша жабылады.
Аудандағы білім ордаларының директорларына, балабақша
меңгерушілеріне нұсқау берілді. Штаб мүшелерінің мақсаты —
ауданда ел арасында түсіндірме жұмыстарын жүргізу, көзсіз
байбаламға жол бермеу,-деді өз сөзінде әкім орынбасары.
Сөз тізгінін аудандық ҚДСБ басшысы Ертай Оразұлы
Ешкенов алып, аудан бойынша дәрігерлермен үлкен
семинар-кеңес өткенін, білім бөлімі, балабақша, адамдар
көп шоғырланатын жерлер-базар, халыққа қызмет көрсету
орталығына қаулы жіберіліп, брошюралар таратылғанын,
барлық мекемелерде бетпердемен жүруге кеңес берілгенін,
сонымен қатар күн сайын жұқпалы-аурулар бөлімінен жедел
ақпарат алынып, облыстық денсаулық сақтау департаментіне
жіберіліп отырғанын, ораза кезінде мешітте жиналатын
жамағатқа да айрықша ескертілгенін айтты.
Сонымен қатар, менингит ауруының адамнан-адамға
жұғатынын, ораза тұтқан жандардың ағзасы әлсіз
болғандықтан ауру жұқтыруға бейім болатынын баса айтты.
Жиынды Б.Момбаев қорытындылап, эпидемиологиялық
ахуалды тұрақтандыру мақсатында құрылған штаб отырысын
жабық деп жариялап, комиссия мүшелеріне тапсырмалар
берді.
Дина АМАНҚЫЗЫ