Бес негізгі бағыт

Таяуда Елбасы Жолдауының негізгі бағыттарын түсіндіру бойынша «Нұр Отан» партиясының желілік кестесіне сәйкес Сарыөзек бастауыш партия ұйымының ұйымдастыруымен депутат, аудандық мәслихат хатшысы Бөкен Қабиұлы Рысбеков, аудандық халыққа қызмет көрсету орталығының басшысы Әбіләкімов Олжас Әбіләкімұлы, Сарыөзек ауылдық округі әкімінің орынбасары Төлегенова Ләйля Жауынбайқызы ХҚКО-ның қызметкерлерімен кездесу өткізді. Сөз тізгінін аудандық мәслихат хатшысы Бөкен Рысбеков алып:
— Мемлекет басшысы Нұрсұлтан Әбішұлы Назарбаевтың қазақстандықтардың әлеуметтік мәселелерін шешудің бес басым бағыттарын ұсынып, оны жүзеге асыру мақсатында мемлекет органдарына нақты тапсырмалар берді. Кез-келген адам үшін баспана ең басты мәселе болып табылады. Халық үшін баспана алу жағы қарастырылған. Төмен пайызбен несие беріледі. Елбасының елді қуантқан бұл бастамасы жастарға деген шексіз қамқорлық, жоғары білім алудың қолжетімділгі мен сапасын арттырып, студент жастардың жатақханадағы жағдайын жақсарту мәселесі де Елбасының назарынан тыс қалмай, жоғары білім саласына қосымша 20 мың грант бөлу көзделіп отыр. Сондай-ақ, ауылдағы білім деңгейінің сапасына үлкен мән беруде. Осы бастамалар бойынша көптеген ауқымды шаралар қолға алына бастады. Құрылыс пен тұрғын үй-коммуналдық саласы бойынша бөлінген қаражатты тиімді пайдаланып, құрылыс сапасына аса мән берілуі тиіс. Қаржы секторын қайта жаңғырту бөлімінде Қазақстан даму жағынан орта Азия елі бойынша алдыңғы қатарда. Барлығымыз ауызбіршілікте болып, еліміз осы бағытта болу үшін, біз де өз үлесімізді қосуымыз қажет. Бұл үшін кез-келген әкім жергілікті халықпен тығыз байланыста болып, әр тұрғынмен тығыз қарым-қатынаста болуы керек. Келесі Заң және жемқорлықпен күресу, заңымызды күшейтіп, жемқорлық деген індеттің көзін түп тамырымен жойып, еліміздің дамуына кері әсерін тигізбеуіміз керек. Елбасы Нұрсұлтан Әбішұлының бес бастамасын орындауға құлшына кірісуге барлықтарыңызды шақырамын. Алдағы уақытта бес әлеуметтік бастама бойынша белсене, біріге жұмыс атқарып, еліміздің, ауданымыздың дамуына үлес қосайық,- деді.
Сарыөзек ауылдық округі әкімінің орынбасары Төлегенова Ләйлә Жауынбайқызы: «Бұл жақсы бастамаға барлығымыз аса көңіл бөліп, еңбегімізге адал болсақ, әрбір қазақстандық тұрғын, әр қызметкер өз ауылы үшін, елі үшін қызмет жасап, дамуына үлес қосса, нұр үстіне нұр болатыны анық. Білімімізді, біліктілігімізді арттырайық, экономикамызды дамытайық» деп, жиынды қорытындылады.
Дидар ДИХАНБАЕВ