Жас кәсіпкерлердің жетістігі

«Бізге инженерлер мен
дәрігерлер ғана емес, қазіргі
заманды және болашақты терең
түсіне алатын білімді адамдар
да ауадай қажет» делінген
Елбасымыздың «Болашаққа
бағдар: Рухани жаңғыру» атты
мақаласында. Осы мақаланы
негізге ала отырып, әңгімеме
жас кәсіпкерді арқау еттім.
Тәуелсіз еліміздің әл-ауқаты
жылдан-жылға жақсарып келе
жатқандығын айтпасақ та,
көзбен көріп отырмыз. Қалай
еңбек етсең, өмірің соған тікелей
байланысты.
Ауданымыздың азаматтары да
соңғы жылдары ел үшін жасаған
игілікті ісімен көпшіліктің көңілінен
шығып келеді. Шаруа қожалықтары
мен жеке кәсіпкерлеріміз
ауылдың өркендеуіне, әлеуметтік
экономикасының дамуына
мұрындық болып жүр. Игілігі мол
жақсы істің басы-қасында жүрген
ағалардың тағылымды тәрбиесін
алған жас кәсіпкерлер бүгінде
өзінің шама шарқына қарай кәсібін
домалатып жүр. Солардың бірі —
Шаттық Айтбай.
Ол тынымсыз еңбегінің
арқасында Сарыөзек ауылындағы
бұрыннан жұмыс істеп келе жатқан
наубайхананы өз қолына алып, одан
әрі жұмысын жалғастыруда. Сол
кездері наубайханаға ұнды сырттан
т а с ы м а л д а й т ы н
болса, қазіргі
уақытта ұнды
өздеріне қарасты,
тәулігіне 20
тоннаға дейін
шығарып отырған
д и і р м е н н е н
ә к е л е д і . Б ұ л
б і р і н ш і д е н ,
нанның бағасының
т ұ р а қ т а у ы н а
үлкен септігін
тигізсе, екіншіден,
жергілікті жермен
а й н а л ы с а т ы н
ш а р у а
қожалықтарымен
тығыз жұмыс
жасауға ыңғайлы
әрі ұтымды.
Наубайханада
жұмыс жасайтын жұмысшылармен
тілдесіп, әңгімеге тартқанымызда,
наубайхана директоры Айтбай
Шаттықтың қызметкерлерге жайлы
екенін, ай сайынғы жалақыларын
уақытылы беріп жатқанын, сонымен
қатар, басшы тарапынан қолынан
келгенше көмегін де аямай,
қайырымдылық жасайтынын да
ризашылықпен айтып жатты.
Ол жас болса да жауапкершілігі
мол, үнемі жаңашылдық пен
ізденісте жүретін, мемлекет
тарапынан өткізіліп жатқан
әртүрлі жобаларға да қатысып,
өз қызығушылығымен талай
белестерге қол жеткізген азамат
екенін игілікті істерінен байқауға
болады.
— Жаңа технологияны қолдану
— қызметкерлердің жұмысын
жеңілдетеді. Біріншіден, уақыт,
екіншіден, адам еңбегінің аз
жұмсалуы. Бұл наубайхана
бұрыннан «Ыстық нан» деп аталып
келгені аудан жұртшылығына белгілі.
Бастаған ісім оңға басып, ойдағы
мақсатым орындалып жатса, алдағы
күндері нан өнімдерінің бірнеше
түрін шығарамын, – деп Айтбай
Шаттық болашақ жоспарымен де
бөлісті.
Елбасының Латын
әрпіне өту жайлы
бастамасын жас
кәсіпкер қолдап, өзінің
наубайханасының атауын
латын әрпімен «YSTYQ
NAN» деп жазғанын
үлкен қуанышпен,
мақтанышпен білдірді.
Н а у б а й х а н а н ы ң
негізгі тұтынушылары —
аудан тұрғындары. Нан
өнімдері сапалы әрі дәмді
дайындалса, сұраныстың
да көп болары сөзсіз.
Наубайханаға тұрақты
түрде жұмыс жасауға тек
қана жергілікті жерден
жұмысшы тартып отыр,
үлкейіп жатса тағы да
жұмысшы азаматтарды
өз ауылдарымыздан
тартуды да жоспарлап
отырғандығын тілге тиек етті.
Жас кәсіпкер бола тұра,
қайырымдылық жасаудан да
құралақан еместігін сөз барысында
байқадым. Бірнеше қайырымдылық
істер жасаған жас кәсіпкерді аудан
әкімі Бағдат Алиев оның жақсы
қасиеттерін бағалап, Алғыс хатпен
марапаттады.
«Ісін жаңа бастаған
кәсіпкерлерді, ауданымыздың
жастарын, мемлекет тарапынан
ұсынылған бағдарламаларға
қатысып, аудан, ауыл көлемінде
кәсіпкерлікті дамытуға өз үлестерін
қосуға шақырамын» дейді Айтбай
Шаттық.
Елбасы Нұрсұлтан Назарбаев
«Болашаққа бағдар: Рухани
жаңғыру» атты мақаласында:
«…Бұл жағдайда кәсібін неғұрлым
қиналмай, жеңіл өзгертуге қабілетті,
аса білімдар адамдар ғана табысқа
жетеді» деген еді. Бүгінде мемлекет
тарапынан жастардың өз кәсібінің
нағыз маманы болуына және өз
бастамасын жүзеге асыруына зор
мүмкіндік пен жағдайлар жасалуда.
Ал табысты атану — жас кәсіпкердің
еншісінде. Бауырымызға шын
жүректен бастаған ісіне тек сәттілік
тілейміз.
Руслан БАЙЖАН
«Күреңбел» қазақ орта мектебінің
қазақ тілі мен әдебиеті пәні
мұғалімі;
аудандық жастар ресурстық
орталығының кеңесшісі.