Бала бағбаны болу — бір бақыт

Елбасы Нұрсұлтан Әбішұлы Назарбаев «Болашаққа бағдар: Рухани жаңғыру» атты мақаласында: «Екі дәуір түйіскен өліара шақта Қазақстанға түбегейлі жаңғыру және жаңа идеялар арқылы болашағын баянды ете түсудің теңдессіз тарихи мүмкіндігі беріліп отыр. Мен барша қазақстандықтар, әсіресе, жас ұрпақ жаңғыру жөніндегі осынау ұсыныстардың маңызын терең түсінеді деп сенемін. Жаңа жағдайда жаңғыруға деген ішкі ұмтылыс – біздің дамуымыздың ең басты қағидасы. Өмір сүру үшін өзгере білу керек. Оған көнбегендер тарихтың шаңына көміліп қала береді» деген болатын.
Бүгінгі таңда мектепке дейінгі тәрбие жүйесі елімізде даму үстінде. Мектепке дейінгі тәрбие, қоғамдағы әлеуметтік-экономикалық жағдайларға, еліміздің салт-дәстүрі мен мәдениетіне, аймақтық ерекшеліктеріне байланысты. Педагог — жас ұрпақтың бойына барлық жақсы қасиеттерді сіңіруші, оларды жамандықтардан аулақтатушы адам. Елімізде педагогтар әртүрлі бағыттарда — музыкалық, дене тәрбиесі, ақыл ой тәрбиесі, эстетикалық жұмыс жүргізіп, балалардың дамуын жетілдіруде.
Елбасымыз Нұрсұлтан Әбішұлы Назарбаев: «Болашақта еңбек етіп, өмір сүретіндер бүгінгі мектеп оқушылары, мұғалім оларды қалай тәрбиелесе, Қазақстан сол деңгейде болады. Сондықтан ұстазға жүктелер міндет ауыр» деген болатын. Біздің негізгі мектептің шағын орталығындағы тәрбиешілер, болашағымыз — бүлдіршіндерді тәрбиелеуге өз үлесімізді қосып келеміз. Олардың қоғамда жақсы бір азамат болып, еліміздің өсіп-өркендеуіне білімімен, тәрбиелілігімен араласатын білімді де тәрбиелі тұлғаларды түлету – біздердің, педагогтардың міндеті. Бала – біздің болашағымыз. Олай болса, олардың өмірде бір-бір кірпіш болып қалануына өз еңбегімізді аямай, жауапкершілікпен қарап, бала бағбаны бола білейік.
Қорлан ОРЫНТАЕВА,
тәрбиеші, Н.Әлмұханбетов атындағы ОМ МДШО.