Архивтік анықтамаларды беру тәртібі

Архивтік анықтама — заңды күшi бар және сұратылып отырған мәселе бойынша архивтік құжаттар негiзiнде дайындалған мемлекеттiк архивтiң ресми құжаты.
«Архивтік анықтамалар беру» мемлекеттiк қызметi архивтiк құжаттар негiзiнде әлеуметтiк-құқықтық сипаттағы мәселелер жөнiндегi мемлекеттiк қызмет берушiмен ақысыз көрсетiледi: жұмыс өтiлiн, жалақы мөлшерiн, жасын, отбасының құрамын, бiлiмiн, марапатталғанын, зейнетақы жарналары мен әлеуметтiк төлемдердiң аударылуын, ғылыми дәрежелер мен атақтардың берiлуiн, жазатайым оқиғаны, емделуде немесе қоныс аударуда болуын, қуғын-сүргiнге ұшырағанын, жаппай саяси қуғын-сүргiндер құрбандарын ақтау, бас бостандығынан айыру жерлерiнде болғанын, азаматтық хал актiлерi, құқық белгiлеушi және сәйкестендiру құжаттары жөнiндегi мәлiметтердi растау туралы архивтік анықтама немесе олардың болмауы туралы жауап, немесе архивтік құжаттардан куәландырылған архивтік көшiрмелер мен үзiндiлер.
«Алматы облысының мемлекеттік архиві» коммуналдық мемлекеттік мекемесінің Кербұлақ филиалы архивке мемлекеттік сақтауға қабылданған құжаттардың негізінде жеке және заңды тұлғалардың әлеуметтік-құқықтық сұранымдарын қанағаттандыру мақсатында архивтік анықтамалар, архивтік үзінділер, архивтік көшірмелер береді, сонымен қатар тақырыптық сұранымдарды да орындайды.
Архивтік анықтамалар Қазақстан Республикасы Мәдениет және спорт министрінің 2015 жылғы 17 сәуірдегі № 138 бұйрығымен бекітілген және Қазақстан Республикасы Мәдениет және спорт министрінің 07.03.2017 № 57 бұйрығымен өзгерістер енгізілген «Архивтік анықтамалар беру» мемлекеттік көрсетілетін қызмет стандарты негізінде беріледі.
Азаматтар архивтік анықтамаларды алу үшін Кербұлақ филиалына, «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі – Мемлекеттік корпорация) және www.egov.kz «электрондық үкiмет» веб-порталы (бұдан әрi – портал) арқылы жүзеге асырылады.
Мемлекеттік қызметті көрсету нәтижесін беру нысаны-қағаз түрінде.
Порталда мемлекеттік қызмет көрсету нәтижесін алу орны және мерзімі көрсетілген хабарлама беріледі.
Көрсетілген қызметті берушіге, Мемлекеттік корпорацияға құжаттарды тапсырған сәттен бастап, сондай-ақ порталға жүгінген кезде архивтік анықтаманың нәтижесі 11 (он бір) жұмыс күні ішінде беріледі.
Екі немесе одан да көп ұйымдардың, сондай-ақ уақыты 5 (бес) жылдан асқан кезеңнің құжаттарын зерделеу қажет болған жағдайларда, мемлекеттік қызметті көрсету мерзімі аяқталғаннан кейін көрсетілетін қызметті беруші мемлекеттік қызмет көрсету мерзімін күнтізбелік 30 (отыз) күннен аспайтын мерзімге ұзартады, бұл туралы қарау мерзімі ұзартылған күннен бастап күнтізбелік 3 (үш) күн ішінде өтініште көрсетілген мекенжайға хат жолдау арқылы көрсетілетін қызметті алушы хабарландырылады.
Архивтік анықтама «Алматы облысының мемлекеттік архиві» коммуналдық мемлекеттік мекемесінің бас директорының 2017 жылғы 21 ақпандағы № 22-Б бұйрығына сәйкес ақысыз негізде жеке және заңды тұлғаларға архивтік құжаттар негізінде көрсетіледі.
Қазақстан Республикасының 2015 жылғы 23 қарашадағы Еңбек кодексіне сәйкес жұмыс кестесі – демалыс және мереке күндерінен басқа, дүйсенбіден бастап жұманы қоса алғанда сағат 9.00-ден 18.00-ге дейін, түскі үзіліс сағат 13.00-ден 14.00-ге дейін.
Портал арқылы жүгінген кезде өтініштерді қабылдау Қазақстан Республикасының еңбек заңнамасына сәйкес демалыс, мереке күндері, жұмыс уақыты аяқталғаннан кейін мемлекеттік қызмет нәтижесін беру келесі жұмыс күні жүзеге асырылады.
Өтінішті қабылдау және мемлекеттік қызмет нәтижесін беру сағат 9.00-ден 17.30-ға дейін жүргізіледі, түскі үзіліс сағат 13.00-ден 14.00-ге дейін.
Архивтік анықтаманы алушы немесе оның уәкілетті өкілі жүгінген архивтік анықтаманы орындау үшін қажетті құжаттардың тізбесі:
— жеке басты куәландыратын құжат немесе өкілдің нотариалды куәландырылған сенімхаты және жеке басты куаландыратын құжат;
— архивтік анықтаманы алушы үшін растауды қажет ететін мәліметтерді, пошталық мекенжайын, байланыс телефонын, жеке сәйкестендіру нөмірін көрсете отырып, стандартта көрстеліген нысан бойынша толтырылған өтініш, (болған жағдайда сұрау салынған мәліметтерді растайтын құжаттардың көшірмелері өтінішке қоса беріледі).
Өтінішті қабылдаған кезде Кербұлақ филиалы құжаттар пакетінің қабылдағандығын кіріс құжатты қабылдау күні мен уақыты және нөмірі белгіленген, құжаттарды қабылдаған тұлғаның тегі, аты, әкесінің аты (ол болған жағдайда) көрсетілген көрсетілетін қызметті алушы өтінішінің көшірмесін береді.
«Алматы облысының мемлекеттік архиві» КММ-нің Кербұлақ филиалы жылына мың жарымға жуық әлеуметтік құқықтық сұраныстар орындайды, оның ішінде алыс -жақын шетелдерден келген сұраныстарға жауап беріледі.
«Алматы облысының мемлекеттік архиві» коммуналдық мемлекеттік мекемесі Кербұлақ филиалының мекенжайы: индексі-041100, Алматы облысы, Кербұлақ ауданы, Сарыөзек ауылы, Вожакин көшесі, 2.

Гулбану Мамиева,
«Алматы облысының мемлекеттік архиві» коммуналдық мемлекеттік мекемесі Кербұлақ филиалының директоры