Жерлестеріміздің жеңісі

Елбасымыз Нұрсұлтан Әбішұлы Назарбаевтың «Болашаққа бағдар: рухани
жаңғыру» атты мақаласы аясында Алматы қаласында өткен Қазақстан Республикасы
рәміздеріне 25 жыл, Қазақстанның БҰҰ (ООН) қабылдауына 25 жыл, ҚР Тәуелсіздік күні
құрметіне арналған «Мәңгі ел – Қазақсатаным!» атты халықаралық өнер фестивалі өткен
болатын.
Аталмыш өнер додасында ауданымыздағы Әбікен Сарыбаев атындағы Мәдениет
үйінің әншісі Сәуле Қожаханова Бас жүлдені, Байғазы орта мектебінің 9 сынып оқушысы
Ақбота Базарбаева жүлделі I орынды иеленіп жерлестерін қуантқан болатын.
Жақында қос жеңімпаз халықаралық білім корпарациясының ұйымдастыруымен
Туркия Республикасы Дубай қаласында өткен халықаралық фестивалінде әлемнің 17
мемлекетінен қатысқан атақты әншілермен бірге өнер көрсетіп әділқазылар алқасының
шешімімен Сәуле Қожақанова Бас жүлдені ал Ақбота Базарбаева жүлделі I орынды
иеленді. Сәуле «Бейбітшілік әлемі» алтын медальмен, кубокпен, Дипломмен және
Алғыс хатпен, ал Ақбота Дипломмен, медальмен, кубокпен және ата-анасы Досымбеков
Қуаныш Базарбайұлымен Досымбекова Рахия Жұмабайқызына осындай өнерлі қыз
тәрбиелеген үшін Алғыс хатпен марапатталды. Сонымен қатар Сәуле Қожақанова Прага
қаласында өтетін өнер фестиваліне, Ақбота Париж қаласында жасөспірімдер арасында
өтетін фестивальға жолдама алды. «Осы байқауға дайындаған ұстазым, «Нұр»
студиясының жетекшісі, сазгер Тілеужан Есерханұлына алғысым шексіз» — дейді Ақбота.
Ал Сәуле Қасымханқызы өзін кішкентайынан өнерге баулып, ән әлеміне қадам
бастырған ұстазы Жексенбаев Жанғазы Жұманұлына деген ризашылығын сөзбен
жеткізе алмайды.
Біз өз тарапымыздан жүлдегер қыздарды үлкен жеңістерімен құттықтап бар
жақсылықты тілейміз.
Өмірде де, өнерде де жолдарың болсын!
Дина АМАНҚЫЗЫ