Абзал ағамен кездестік

Жақында «Октябрь революциясы», «Еңбек Қызыл Ту» ордендері мен көптеген медальдардың иегері, СОКП ХХV съезінің делегаты, «Алтынемел» ұлттық табиғи саябағының негізін қалаушы, Алматы облысының және Ақсу, Кербұлақ аудандарының Құрметті азаматы Ғалым Тұрғанбайұлымен, аудандық мәслихаттағы депутаттық фракция мүшесі Е.Самылтыровпен бірге кездесу өткіздік.

Саналы өмірінде жинаған шаруашылық, партиялық, тәжірибесі мол, аудандық Коммунистік партия ұйымының бірінші хатшысы қызметін атқарған Ғалым ағамыздан аларымыз көп. Қоғамның, оның ішінде агросекторының дамуына жеке-дара новаторлық көзқарасы бар, Жолдауда көзделген басымдықтардың өзектілігін айта келіп, өзінің де ойын ортаға салды. Ауылдың жағдайын жақсарту мақсатында ауыл шаруашылығына керекті мамандар даярлау қажеттігін айтты. Сонымен қатар, ауыл шаруашылығын өркендетудің жолдарын оның ішінде егін егудің интенсивті жолдарын, ауылдарда кооперативтер құрып, несие алуға жеңілдіктердің керектігін айта келіп, жерді ұжыммен игеру ең тиімді екендігін ескертті.

Шын ниетпен өткен пікір алмасудың оның көңілін көтеріп тастағаны қоштасарда абзал ағамыздың нұрлы жанарынан байқалып тұрды.

Ж.БОЗЫМБЕКОВ,

 «Нұр Отан» партиясы Кербұлақ аудандық филиалы төрағасының бірінші орынбасары.