Білім – болашақтың кілті

Елбасымыз Нұрсұлтан Әбішұлы Назарбаев жыл сайынғы халқына жолдаған Жолдауында ұстаздар қауымына ерекше назар аударып отырады. Бұл біз үшін әрі құрмет, әрі үлкен жауапкершілік. Өйткені Елбасымыз білім беруді жаңғыртуды ең бірінші орынға қойған. Сапалы білім беру Қазақстанның индустрияландырылуының  және инновациялық дамуының негізіне айналып отыр. Білім – жарқын болашағымыздың кілті, озық отыз елдің қатарына қосылу үшін-біздің жастарымыз ең алдымен білімді болуы қажет. Білім ғана бізді биікке көтереді. «Өмір бойы білім алу» әрбір қазақстандықтың жеке кредосына айналды, кәсіптік және техникалық білім берудің мазмұны толық жаңартылды, көптеген магистрлар мен РҺД докторларымыз шығуда, білім беру мен ғылымды дамытудың жаңа деңгейі қамтамасыз етілді, зияткерлік мектептер дарынды балаларды жоғары оқу орындарына дайындаудың негізгі арқауына айналды. Бүгінгі таңда білім беру жүйесінің деңгейі заман талабына сай боп келеді.  Бұл ұстаздар қауымының беделін арттырып, мәртебесін биіктетеді.

Сондықтан біз, Шұбар орта мектебінің мұғалімдері Елбасымыз Нұрсұлтан Әбішұлы Назарбаевтың сындарлы саясатын бірауыздан қуаттап, Жолдауда көрсетілген міндеттерімізді абыроймен орындаймыз.

Ләззат ҚОЛДАСБАЕВА,

Қазақ тілі мен әдебиет пәнінің мұғалімі Шұбар орта мектебі.