Жетісуда жазғы лагерлер маусымы басталды

Жетісу облысы бойынша 2026 жылғы жазғы сауықтыру маусымда 10 лагерьдің жұмыс істеуі жоспарланған. Бірақ 1-уі санитарлық-талаптарға сәйкес келмегендіктен, яғни, күрделі жөндеу жұмыстарын жүргізуді талап ететіндіктен ашылмайды.

2026 жылдың 03 маусым күнгі жағдай бойынша:

6 лагерь санитариялық-эпидемиологиялық қорытынды алды (Текелі қаласының Эдельвейс, Бастау, «Алтын Чажа» лагерьлері; Ескелді ауданының «Айналайын», «Көктөбе»  лагерлері; Панфилов ауданының «Қарлығаш» лагері).

3 өтініш жұмыс барысында (Алакөл ауданының Жыланды ауылында орналасқан «Zhylandy Ethno Camp», «Жалын», «Жансая» балалар сауықтыру лагерлері).

1 лагерьге дәлелді бас тарту берілді: «Шағала» балалар сауықтыру лагерлері

9 лагерьде – 10350 бала сауықтырылады деп жоспарланған.

Бүгінгі күнге 4 лагерь ашылып жұмысын бастады. Олар:  Текелі қаласының Эдельвейс, «Алтын Чажа» лагерьлері; Ескелді ауданының «Көктөбе»  лагерлері; Панфилов ауданының «Қарлығаш» лагері.

Қалған лагерьлар маусым айының 10-нан кейін ашылады деп жоспарланған.

Сонымен қатар, 299 мектеп жанындағы лагерьде -106477 бала сауықтырылады деп жоспарланған.

Өтініш түскен лагерьлерге санитариялық-эпидемиологиялық талаптарға сәйкес жұмыс істеу үшін консультативтік көмек көрсету мақсатында Департамент аумақтық басқармалармен бірлесіп аралау жүргізуде.

Маусымдық жазғы лагерьлері жыл сайын жазғы сауықтыру маусымы басталғанға дейін санитариялық-эпидемиологиялық қорытынды алу қажет (мемлекеттік санитариялық-эпидемиологиялық бақылау мен қадағалау объектілерінің халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігін куәландыратын құжат).

Бұл мемлекеттік қызмет «Халықтың санитариялық-эпидемиологиялық саламаттылығы саласында мемлекеттік қызметтер көрсетудің кейбір мәселелері туралы» Қазақстан Республикасы Денсаулық сақтау министрінің 2020 жылғы 30 желтоқсандағы № ҚР ДСМ-336/2020 бұйрығына сәйкес көрсетіледі.

Аккредиттелген зертханалар жүргізген және (немесе) қызметтің осы түріне лицензиясы бар зерттеулер хаттамаларының қолданылу мерзімі 1 жылды, өлшеу хаттамаларының қолданылу мерзімі 3 жылды құрайды.

Cанитариялық-эпидемиологиялық қорытынды алу үшін қажетті зертханалық-аспаптық зерттеулер (сынақтар):

— бактериологиялық, санитариялық-химиялық көрсеткіштерге зерттеулерге жергілікті сумен жабдықтау көздерінен (орталықтандырылған, құдықтар, ұңғымалар, каптаждар) алынатын ауыз су: ас блоктарынан және жабық жүзу бассейндері, ванналар, жағажайлар (бар болса);

—   паразитологиялық, бактериологиялық көрсеткіштерге: топырақ, құм;

— микроклиматты зерттеу: температура (жылыту кезеңінде), салыстырмалы ылғалдылық: жатын бөлмелер, оқу үй-жайлары, кітапхана, мәдени-бұқаралық іс-шаралар мен демалуға арналған үй-жайлар, компьютерлік сыныптар, қызметтік-тұрмыстық, кір жуатын бөлме, асхана залы, буфет т.б.;

— жасанды жарықтандыру деңгейі: оқу, ойын бөлмелері мен үйірме бөлмелері, жатын бөлмелері, дене шынықтыру және бассейн залы, демалыс;

— микробиологиялық, физика-химиялық, токсикологиялық, радиологиялық көрсеткіштер: емдік балшық (бар болса).

Асхат Чарапиев,

Жетісу облысы санитариялық-эпидемиологиялық бақылау департаментінің басшысы.