ЖРВИ, тұмау ауруларының эпидемиологиялық маусымында бірқатар алдын алу шаралары жүргізілді

Тұмау – ауа-тамшылы жолмен таралатын тыныс жолдарының  вирустық  ауруы. Күзгі-қысқы маусымдық кезеңде жоғарылайды. Тұмау вирусы бүкіл әлемде кездеседі, эпидемия таратады.

Жетісу облысы бойынша 2025-2026жж. эпидмаусымда (40-20 апта аралығы) ЖРВИ-ң 164542 жағдайы тіркелді, 14 жасқа дейінгі балалар жалпы инфекцияның 67% құрады.

ЖРВИ-мен сырқаттанған 1 жасқа дейінгі балалардың үлес салмағы өткен жылдың эпидкезеңімен салыстырғанда 6,1%-дан 3,1%-ға төмендеген, ЖРВИ-мен сырқаттанған жүкті әйелдердің үлес салмағы 0,9%-дан 1,0%-ға жоғарылаған.

Зертханалық дәлелденген тұмау жұқпасының 220 жағдайы (219 — А(H3N2), 1-В). Тіркелген 220 тұмаудың ішінде 14 жасқа дейінгі балалар – 174 (79%), жүкті әйелдер – 6 (2,7%).

2025-2026жж. эпидмаусымда тұмаудан басқа, облыста вирустардың басқа да түрлері айналымда бар. Зерттелген 205 үлгінің 71-де (34,6%) тұмауға жатпайтын вирустарға оң нәтиже берді, олардың арасында риновирус, РС вирус, короновирус, метапневмовирус, парагрипп, бокавирус, аденовирус анықталды.

2025-2026жж. эпидемиялық маусымда жергілікті бюджеттен барлығы 82 000 доза тұмауға қарсы вакцина сатып алынды, бұл облыс халқының 12,3%-н қамтылды. Жергілікті бюджеттен жоспарланған 81201 адам 100% иммундаумен қамтылды, оның ішінде ересектер 61904 (76,2%), 14 жасқа дейінгі балалар 19297 (23,7%). Жұмыс берушілердің есебінен 150 адам егілді.

2025-2026жж. эпидемиялық маусымда оқушылар арасында 17702 ЖРВИ, 60 тұмау тіркелген. Мектептерде оқушылардың сырқаттануы 10% асқан жоқ.

ЖРВИ, тұмау ауруларының эпидемиологиялық маусымында бірқатар алдын алу шаралары жүргізілді:

Күн сайын және апта сайын сырқаттанушылыққа мониторинг жүргізілді;

Санитариялық-эпидемиологиялық бақылау департаменті, денсаулық сақтау, білім басқармалары, ұлттық сараптама орталығымен бірлескен «Жетісу облысында тұмау, жіті респираторлық вирустық инфекциялар (ЖРВИ) және COVID-19 коронавирус инфекциясы бойынша 2025-2026 жылдардың эпидемиялық маусымында санитариялық-эпидемияға қарсы, санитариялық-профилактикалық іс-шаралар жүргізу туралы» облыс әкімінің орынбасарымен бекітілген, бірлескен жоспар шығарылып, іске асырылды;

2025ж. 17.11. Жетісу облысының Бас мемлекеттік санитариялық дәрігерінің №6 Қаулысы шығарылып, іске асырылды.

Тұрғындар арасында ақпараттық түсіндіру жұмыстары жүргізілді. БАҚ арқылы сұхбаттар беріліп, газеттерге, әлеуметтік желілерге тікелей эфир, мақала, ақпараттық құралдар, бейнероликтер орналастырылды. Мектеп оқушыларына мемлекеттік және орыс тілдерінде ЖРВИ, тұмаудың алдын алу бойынша ақпарат (презентация) дайындалып берілді.

Асхат Чарапиев,

Жетісу облысы санитариялық-эпидемиологиялық бақылау департаментінің басшысы.