ЖАҢА ЖЫЛДАҒЫ ИГІЛІКТІ ІС

Ауанымызда жыл сайын жаңа ғимараттар саны артып, күннен күнге көркейіп келе жатқаны айтылып та, жазылып та жүр. Сырт келбеті көз тартар самаладай дәмханалар, сауда орындары халық игілігіне қызмет жасауда.

   Елбасымыздың «Болашаққа бағдар: Рухани жаңғыру» бағдарламасы аясында халыққа жаңа пәтерлердің кілті табысталып, цехтар ашылып, жаңа көшелерге жаңа есімдер берілді.

«Жақсы десе жан сүйсінер» дегендей жаңа-жыл қарсаңында аудандағы бір игі істің куәсі болдық.

Ең күрделі де, халыққа жақын сала-бұл әлеуметтік сала болып табылады. Өйткені халықпен тікелей жұмыс жасайтынын, мүмкіндігі шектеулі жандармен, Ұлы Отан соғысы, ауған соғысы, тұрмысы төмен отбасыларымен тікелей жұмыс жасап, сол жандардың мұң-мұқтажын ескеріп, армандарын іске асыратын —  аудандық жұмыспен қамту және әлеуметтік бағдарламалар бөлімі ғимаратының күрделі жөндеуден кейінгі ашылу салтанаты болып өтті. Салтанатты жиынға аудан әкімі Бағдат Байшалұлы Алиев, аудан әкімінің бірінші орынбасары Айпейсов Күмісбек Әбіләшұлы, орынбасарлары Болысбай Тоғысбайұлы Момбаев, Серікбай Бәкенұлы аудандағы бөлім басшылары, облыстық, аудандық БАҚ өкілдері қатысты. Ғимараттың ашылу салтанатының алғашқы сөз тізгінін аудан әкімі Бағдат Алиев алды.

-Құрметті қонақтар! Жаңа-жыл қарсаңында ауданымызда ауқымы кең игілікті іс шара өтуде. Аудандық жұмыспен қамту және бағдарламалар бөлімі ғимаратының осындай күрделі жөндеуден өтіп, ел-жұртқа қуаныш сыйлауы бәріміз үшін қуанышты жәйт. Бұл жерге әр санаттағы адамдар келеді. Сол кезде осындай әсем, жарық ғимаратына отырып, әркімнің көңілі көтерілетіні хақ. Елбасының өзінің жыл сайынғы Жолдауында да, «Болашаққа бағдар: рухани жаңғыру» мақаласында қоғамның әлжуаз жандары туралы мәселе көтерген. Бүгінгі күн осы Елбасымыздың тапсырмасының орындалуының бір көрінісі. Осы орайда осы күрделі жөндеудің сапалы өтуіне үлкен үлес қосқан «Азамат – Құрылыс» ЖШС атқарушы директоры Бекутов Жарқын Қуанбайұлына осы ғимараттың күрделі жөндеуінің дұрыс өтуі үшін барлық қызметкерлермен бірге атсалысқан аталмыш бөлімінің басшысы Диханбаева Айгүл Тұрдақынқызына үлкен алғысымды білдіремін. Ауданымыздың көркеюіне бәрімізде үлесімізді қосуымыз керек. 2017 жылды осындай жақсы жаңалықтармен шығарып салсақ, жаңа 2018 жылды толағай табыстармен қарсы алайық.

Бәріңізге зор денсаулық қажымас қайрат, жасымас жігер, отбасылық бақыт тілеймін,-жүрекжарды тілегімен аяқтады сөзін аудан әкімі.

Бұдан соң сөз алған облыстың «Нұр Отан» партиясы төрағасының орынбасары Нұрқадыров Серік Нұрқадырұлы жиналған қауымды жаңа-жылмен құттықтап, ізгі тілегін білдірді.

«Азамат – Құрылыс» ЖШС-ның атқарушы директоры өз сөзінде, аудан әкімі Бағдат Байшалұлы Алиевке, аудандық жұмыспен қамту және бағдарламалар бөлімінің басшысы Диханбаева Айгүл Тұрдақынқызына адами алғысын білдіре отырып, қызмет барысында талай жерлерде күрделі жөндеу жұмыстарын жүргізгенін, алайда осындай ауызбіршілікпен, ұйымшылдықпен атқарылған жұмыс Кербұлақ ауданына тән екенін тілге тиек етіп, алтау ала боса ауыздағы кетеді, төртеу түгел болса төбедегі келеді, осындай ауызбіршілікпен атқарылған жұмыстың нәтижесі бүгін көрініп тұр деп ағынан жарылды.

Бұдан соң аудан әкімі әсем ғимаратының лентасын қиды. Жылы, жарық ғимараттың ішіне кірген әрбір адамның кеудесін қуаныш сезімі кернеді. Бағдат Байшалұлы «Өрлеу бағдарламасын іске асырып халықтың игілігі үшін өз ісін ашып, кәсіпкерлікті дамыту барысында үлкен үлестерін қосқан сектор меңгерушісі Калыкова Жұмабике Нұрсұлтанқызы аудан әкімінің Құрмет грамотасымен, кеңесшілер Сапарғалиева Бақтыгүл Жұмабайқызы, Аблай Тоқан Нұрланұлы, асистенттер – Ахметова Зәуреш Анапияқызы, Қалиақбаров Асқар Жұмағалиұлы, Ескендиров Алижан Бақтыбайұлы аудан әкімінің «Алғыс хатымен»  марапаттады.

Дина АМАНҚЫЗЫ