Рухани жаңғыру жолында

«Іздеген жетер мұратқа»- міне, дәл осы халық даналығымен бастағым келіп тұр өз мақаламды.

Ең алғаш өз ғылыми жұмысымды қолға алар сәтте бойымда жас маман ретіндегі толқыныс сезімі болған еді. Алайда  Елбасымыз Н.Ә.Назарбаевтың «Қазір бой жарыстыратын заман емес, ой жарыстыратын заман деген сөзі» бойыма сенімділік, жоспарыма нақтылық сезімін ұялатқандай болды.

Мен өз ғылыми жұмысымның тақырыбын да Елбасымыздың «Болашаққа бағдар: рухани жаңғыру» атты мақаласы аясында алуды жөн көрдім. Ғылыми жобамның тақырыбын  өзім туып- өскен өлкедегі қазба-байлықтарды насихаттауға бағыттап «Күреңбел өңіріндегі цеолит пен бентонитті монтморинолитті саздарды адсорбент ретінде пайдалану мүмкіндіктері» деп алып, осы тақырыпты  ашу мақсатында  Шилісу негізгі мектебінің 9-сынып оқушысы, өз оқушым Тұрар Алинурмен жан-жақты зерттеу жұмысын жүргіздім. Зерттеу жұмысымның нәтижесінде оқушым Тұрар Алинур «Күреңбел өңіріндегі цеолит пен бентонитті, монтморинолитті саздарды адсорбент ретінде пайдалану мүмкіндіктері» тақырыбы бойынша облыстық ғылыми жұмыстар жобасына қатысып, облыс көлеміндегі III дәрежелі дипломды иеленді. Бұл жеңіс мен үшін мұғалім ретіндегі ең алғашқы жемісімнің бастамасы болса, оқушым үшін пәнге деген қызығушылығын ояту жолындағы алғашқы алтын баспалдақ деп ойлаймын. Өз туған өңірімдегі жер асты қойнауындағы байлықтармен мақтана отырып, әлі де құпиясы ашылмаған жер қойнауын зерттеу жұмысымды жалғастырамын деген ойдамын.

Өз сөзімді Ж.Баласағұнидің «Кім де кім халқынан алмаса тәлім, оны үйрете алмас ешбір мұғалім» деген сөзімен қорытындылағым келеді.

Ә.КӘРІМЖАН 

«Шилісу негізгі мектебі» КММ-нің

география пәнінің мұғалімі