Жас сарбаздар ант қабылдады

Таяуда Сарыөзек гарнизонының әскери бөлімдерінде 2017 жылғы күзде шақырылған жас сарбаздарды әскери ант қабылдау рәсімі өтті. Взвод командирлері әскери ант қабылдаушыларды кезекпен саптан шақырып, әрбір әскери қызметкер сап алдында әскери ант мәтінін дауыстап оқып, арнайы жасалған тізімде, аты-жөнінің жанына қол қойып, өз орнына тұрды. Жас сарбаздардың ант қабылдау рәсіміне орай құттықтау сөз қонақтарға берілді. ДШӘ қолбасшысының орынбасары, подполковник Руслан Аманжолов алып:

— Әскери қызмет өткеру және Отан алдындағы конституциялық борышын атқару үшін біздің республикамыздың барлық өңірлерінен шақырылған жастар Әскери ант қабылдайды. Осы ерекше әскери дәстүр әскери қызметшілерде патриотизм, Отанға және Қазақстан Президентіне адал болу, сондай-ақ қызмет атқарғаны үшін мақтаныш сезімде болу біздің ауданымызда жалғасып келеді. Бұл адам өміріндегі әскери қызметтің алғашқы маңызды актілерінің бірі. Атамекенге қызмет етемін деп, ант берген кешегі бозбала әскери қызметші қатырына қосылағалы тұр. Әскери салт-дәстүрлер әрқашанда жауынгерлік рухты, ағайындық бірлікті нығайтудың және жауынгерлер мен командирлердің мызғымас бірлігін қалыптастырудың және шынықтырудың сыннан өткен құралы болып табылады. Ант — бұл мемлекетке, өз елінің халқына адал болуға серт беру ғана емес, іс-әрекетті сипаттау, сонымен қатар өз ойын білдіруі, осы іс-әрекетімен айтушының мәртебесін және ол кіретін әлеуметтік байланыстар жүйесін өзгерту болып табылады,- деп аяқтады сөзін. Ақтау қаласының тұрғыны 80 жастағы қарт ана Дәметкен Аразалиева:

— Мен бүгін немерем Қайраттың ант  қабылдауының куәсі болайын деп, сонау Ақтау қаласынан келдім. Есейіп қалған Қайратымды және оның жанындағы өзіт қатарлас балаларды көріп қуанып тұрмын. Аз уақыттың ішінде есейіп, ақыл тоқтатқан сияқты ұлдарымыз. Осы жерде тұрғпн жас сарбаздар, барлығың да менің немеремсіңдер. Сондықтан барлықтарыңа Отан алдындағы міндеттеріңді абыроймен атқарып, ата-аналарыңның үмітін ақтап өздерінің тәрбиелі, білімді қайратты екендеріңді көрсетіп, кейінгі жастарға үлгі болуларыңа және аман-есен елдеріңе оралуларыңа тілектеспін. Аспанымыз ашық, еліміз тыныш болсын,-деп аналық ақ тілегін айтты.

Ауған соғысының ардагері Черғали Мұқашұлы сарбаздарға сәт-сапар тілесе, ата-аналар атынан Қарағанды облысы, Жезқазған қаласынан Қасымбекова Дәулет Ерланұлы, Сандықбаева Гүлсім Серікқызы ақ тілегін жаудырды.

Дидар ДИХАНБАЕВ