Ағымдағы жылдың 11 наурыз күні Сарыөзек ауылындағы Өнер мектебінің ұжымымен кездесу өткіздім.

Ағымдағы жылдың 11 наурыз күні Сарыөзек ауылындағы Өнер мектебінің ұжымымен кездесу өткіздім.

Кездесу барысында білім және мәдениет саласының дамуы, жас ұрпақтың шығармашылық қабілетін арттыру, сондай-ақ өнер арқылы тәрбиенің маңыздылығы жөнінде кеңінен әңгіме өрбіді. Өнер мектебі – балалардың талантын шыңдап, олардың шығармашылық әлеуетін дамытуда ерекше рөл атқаратын маңызды білім ордасы. Сондықтан бұл салаға қолдау көрсету – біздің басты міндеттеріміздің бірі.

Әңгіме барысында ұстаздар өздерінің ұсыныс-пікірлерін білдіріп, білім беру процесін одан әрі жетілдіру, материалдық-техникалық базаны нығайту және оқушыларға қолайлы жағдай жасау мәселелері көтерілді. Барлық ұсыныстар назарға алынып, оларды кезең-кезеңімен шешу бағытында тиісті жұмыстар жүргізілетін болады.

Өнер саласында еңбек етіп жүрген ұстаздардың еңбегі – ұрпақ тәрбиесіне қосылған үлкен үлес. Сондықтан олардың бастамалары мен ұсыныстары әрдайым қолдау табады. Алдағы уақытта да осындай кездесулер арқылы ортақ мәселелерді талқылап, бірлесіп жұмыс жүргіземіз.