Білекті бірді жығады, білімді мыңды жығады.

Жұмаділов Ержан Есетұлы 1992 жылы 4 наурызда Бостан ауылында дүниеге келген.  1999 жылы Н.Әлмұханбетов атындағы орта мектептің табалдырығын аттады.  2011 жылы Талдықорған қаласындағы жасөспірімдерге арналған қазақ-түрік лицейін «Алтын белгімен» тәмамдаған. 2011 жылы Шәкәрім атындағы Семей мемлекеттік университетінің         физика-математика факультетіне оқуға түсіп, 2015 жылы үздік дипломмен аяқтады.  Сонымен қатар, 2011-2015 жылдар аралығында Семей қаласындағы дарынды балаларға арналған мамандандырылған қазақ-түрік лицейінде тәрбиеші болып қызмет атқарды. 2012 жылы Семей қаласындағы Шығыс Қазақстан облыстық дарынды балаларға арналған мамандандырылған қазақ-түрік лицейі директорының Алғыс хаты, Семей қазақ-түрік лицейінің 20 жылдығына орай өткізілген «Жыл тәрбиешісі-2014» сайысы, II дәрежелі диплом, 2011 жылы Семей қаласындағы  студенттер арасында университеттік олимпиадасында І орын.  2012 жылы Семей қаласындағы  студенттер арасында университеттік олимпиадасында І орын.  Студенттердің XV ғылыми конференциясында І орын. 2014 жылы Семей қаласы «Қазақстан студенттерінің Альянсы» Республикалық студенттер қозғалысының ұйымдастыруымен өткен «Жыл студенті-2014» байқауының “Үздік ғалым студент” аталымының иегері, 2014 жылы Семей қаласы студенттердің XVІІІ ғылыми конференциясында І дәрежелі диплом иегері. 2014 жылы Семей қаласы Шәкәрім атындағы мемлекеттік университетінің “Құрмет кітабына” енгізілгені жайлы «куәлік» табыс етілді. 2013 жылы Семей қаласы Шәкәрім атындағы Семей мемлекеттік университеті ректорының Алғыс хаттарының иегері. 2015 жылдан бастап  облыстық дарынды ер балаларға арналған мамандандырылған «БІЛІМ-ИННОВАЦИЯ» мектеп-интернатында физика пәні  бойынша  дәріс беруде. Оның  педагогикалық қызметінде жеткен жетістіктеріне тоқталсақ: 2012, 2013, 2014 жылдар аралығында Ресей мемлекетінде Йошкар-Ола қаласында студенттердің бүкілресейлік «Күрделі жүйедегі инновациялық технологиялар» олимпиадасы II дәрежелі диплом, халықаралық ғылыми форум-олимпиадасының, қорытынды кезеңінде сертификат алған. Студенттердің халықаралық интернет-олимпиадасында I дәрежелі диплом, алтын медаль, студенттердің халықаралық интернет-олимпиадасы  диплом, қола медаль, Ақтөбе қаласында халықаралық «Үздік физика мұғалімі — 2016» байқауы,  ІІІ дәрежелі диплом, 2016 жылғы халықаралық экология, инженерия және педагогика ғылымдар академиясының Қ.Сәтпаев атындағы Орденінің иегері, 2016 жылы Астана қаласында халықаралық экология, инженерия және педагогика ғылымдар академиясының Құрмет грамоталарының иегері, 2017 жылы Тараз қаласындағы халықаралық «Ұстаз көшбасшылығы» конференциясы, сертификат, 2016 жылғы жарық көрген «Инновации в образовании Республики Казахстан», «Benefits of project based-learning» мақалаларының авторы. Республикалық жетістіктерін айтар болсақ, 2013 жылы Орал қаласында теориялық механикадан студенттердің республикалық олимпиадасында II дәрежелі диплом, 2014 жылы Алматы қаласындағы Физика мамандығы бойынша Қазақстан Республикасы жоғары оқу орындары студенттерінің республикалық пәндік олимпиадасында I дәрежелі диплом, 2014 жылы Астана қаласында ғылыми жобаларға белсенді қатысып, жоғары білім деңгейін көрсеткені үшін ҚР Парламенті Сенатының төрағасы Қасым-Жомарт Кемелұлы Тоқаевтың Алғыс хатын алса, 2015 жылы Алматы қаласында физика мамандығы бойынша Қазақстан Республикасы жоғары оқу орындары студенттерінің VII Республикалық пәндік олимпиадасында  II дәрежелі диплом. 2016 жылы Астана қаласында физика пәні мұғалімдерінің республикалық қашықтық олимпиадасында ІІ дәрежелі диплом, 2016 жылы Алматы қаласы ағылшын тілінде математика және физика пәні мұғалімдерінің республикалық командалық олимпиадасында ІІ дәрежелі диплом. 2016 жылы Алматы қаласында ағылшын тілінде өткен математика және физика пәні мұғалімдерінің республикалық олимпиадасында ІІ дәрежелі диплом. 2016 жылы Астана қаласындағы Қазақстан Республикасы Білім және Ғылым вице-министрінің Алғыс хаты, 2017 жылы Астана қаласы физика пәні мұғалімдерінің Республикалық қашықтық олимпиадасында І дәрежелі дипломдардың иегері, «Физика пәнінен талапкерлерге арналған жаңа форматтағы   ҰБТ-ға дайындық кітабы» атты оқу-әдістемелік құралының авторы. Облыстық жеткен жетістіктері: 2016 жылы Тараз қаласында өткен физика пәні мұғалімдерінің облыстық шығармашылық байқауында, І дәрежелі диплом,  2016 жылы Тараз қаласында облыстық “Үздік сабақ” байқауында, І дәрежелі диплом.  2017 жылы Тараз қаласында облыстық «Үштілде білім берудің әдіс-тәсілдері» конференциясы, сертификат, 2017 жылы Тараз қаласында  Жамбыл облысы әкімінің Құрмет грамоталарының иегері.

«Аға ішкен бұлақтан інісі де су ішер» демекші, Ержан Жұмаділовтың шәкірттері де облыстық, халықаралық, республикалық додаларда бақ сынап,  асуларды асып, талай белестерді бағындырды. Атап айтсақ: Швейцария мемлекеті, Цюрих қаласында 11 сынып оқушысы  Айвар Абрашұлы,  47-ші IPHO – дүниежүзілік физика олимпиадасында  ІІ орын, күміс медаль иегері, 10 сынып оқушысы Санжар  Жұмахан, 2016 жылы Индонезия мемлекеті, Бали қаласында   ХІІІ халықаралық ғылыми олимпиадасында (IJSO) ІІІ орын, қола медаль иегері, 2017 жылы Алматы қаласында өткен, ХІІІ халықаралық Ө.Жәутіков олимпиадасында, қола медаль иегері 11 сынып оқушысы Жаннұр Досмаилов, 10 сынып оқушысы Айвар Абрашұлы  пән олимпиадасында  І орын иегері, 9 сынып оқушысы Санжар  Жұмахан, пән олимпиадасында ІІ орын иегері,  10 сынып оқушысы Жаннұр  Досмаилов, пән олимпиадасында  ІІІ орын иегері, 9 сынып оқушысы  Нұрлан Есқали, пән олимпиадасында ІІІ орын иегері, 11 сынып оқушысы Айвар Абрашұлы, пән олимпиадасында І орын иегері,  11-сынып оқушысы Жаннұр Досмаилов, пән олимпиадасында І орын иегері, 9 сынып оқушысы  Диас Лес, пән олимпиадасында ІІ орын иегері9 сынып оқушысы Ерлан Есқали, пән олимпиадасында ІІІ орын иегері  9 сынып оқушысы  Нұрбол Ыбырай, пән олимпиадасында ІІІ орын иегері Самат Аманбаев,  пән  олимпиадасында,  ІІ орын,  Нұрлан Есқали, пән  олимпиадасында  І  оpын, Ринат Жұмаділ, пән  олимпиадасында ІІ  оpын,  Нұрмұхаммед, Айтымбетов, пән  олимпиадасында ІІІ  оpын,  Дулат Амирханов пән  олимпиадасында, Алғыс хаттарын алған.

Ержан Есетұлының еліміздің атын әлемге әйгілі еткені — бір төбе де, «Ұстазы жақсының – ұстанымы жақсы» дегендей, шәкірттерінің жеткен жетістіктері — бір төбе. Бостан ауылынан шыққан ғалым ағалардың ізін жалғастырған Ержан Есетұлының әлі де талай биіктерді бағындыратынына сеніміміз мол. «Білекті бірді жығады, білімді мыңды жығады» дегендей, білімімен талайды тамсантқан жерлесімізге тек жақсылық тілейміз.

                                                                                              Дидар ДИХАНБАЕВ