Ұлттық құрылтайдың қоғам мен мемлекетті дамытудағы рөлі

Аудандық кітапхананың оқырмандарға қызмет көрсету бөлімінде «Ұлттық құрылтайдың қоғам мен мемлекетті дамытудағы рөлі» тақырыбында дөңгелек үстел өтті. Іс-шараға түрлі сала өкілдері, қоғам белсенділері мен кітапхана оқырмандары қатысты.

Кездесу барысында Ұлттық құрылтайдың ел болашағы үшін атқаратын маңызды қызметі жан-жақты талқыланды. Қатысушылар құрылтайдың негізгі мақсаты — халық пен билік арасындағы байланысты нығайту, қоғамның өзекті мәселелерін ашық талқылау алаңына айналу екендігін атап өтті. Сонымен қатар, мұндай бастамалар ұлттық бірегейлікті сақтау мен ұрпақ тәрбиесінде үлкен маңызға ие екені айтылды.

Дөңгелек үстел өзара пікір алмасуға, тың ұсыныстар айтуға және ел дамуына бейжай қарамайтын азаматтардың ойларын ортаға салуға мүмкіндік берді. Шара соңында қатысушылар Ұлттық құрылтайдың одан әрі тиімді жұмыс істеуі үшін осындай қоғамдық кездесулердің жиі өткізіліп тұруы қажет деген ойларын білдірді.